فيديو: إيجاد طول ضلع في مثلث بمعلومية الضلع المُناظِر له في مثلث مُشابِه ونسبة التشابُه بينهما

في الشكل، إذا كان المثلثان متشابهَيْن، فأوجد قيمة ﺱ.

٠١:٣٧

‏نسخة الفيديو النصية

في الشكل، إذا كان المثلثان متشابهين، فأوجد قيمة س.

إذا كان المثلثين متشابهين، فده معناه إن أطوال أضلاعهم متناسبة. فعشان نوجد قيمة س، محتاجين نوجد النسبة ما بين طول القاعدة في المثلث الأول، وطول القاعدة في المثلث التاني. فالنسبة دي هتبقى بتساوي النسبة ما بين ارتفاع المثلث الأول، وارتفاع المثلث التاني. والنسبة دي بتساوي ارتفاع المثلث الأول اللي هو تلاتة، إلى ارتفاع المثلث التاني اللي هو تمنتاشر. وبقسمة الطرفين على تلاتة، النسبة دي هتبقى واحد إلى ستة.

نفس النسبة هتبقى ما بين قاعدة المثلث الأول، وقاعدة المثلث التاني. فقاعدة المثلث الأول بتساوي س، إلى … قاعدة المثلث التاني بتساوي اتناشر. يبقى واحد إلى ستة هيساوي س إلى اتناشر. فممكن نكتب النسبتين على الصورة: واحد على ستة بتساوي س على اتناشر. وباستخدام الضرب التبادلي، ممكن نقول إن ستة س بتساوي اتناشر. وبقسمة الطرفين على ستة، هتبقى س بتساوي اتناشر على ستة، يعني بتساوي اتنين. وده طول قاعدة المثلث الأول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.