فيديو: إيجاد العلاقة بين أضلاع المثلث والزوايا المقابلة لها باستخدام علاقة أخرى

من الشكل التالي، حدِّد المتباينة الصحيحة. [أ] أب >أﺟ [ب] أب< ﺟب [ج] أب >ﺟب [د] أﺟ< ﺟب

٠٢:٣٧

‏نسخة الفيديو النصية

من الشكل التالي، حدّد المتباينة الصحيحة: أ ب أكبر من أ ﺟ، ولّا أ ب أصغر من ﺟ ب، ولّا الـ أ ب أكبر من الـ ﺟ ب، ولّا الـ أ ﺟ أصغر من ﺟ ب.

في أيّ مثلث، إذا اختلف قياسا زاويتيه، فأكبرهما في القياس بيقابلها ضلع أكبر في الطول من الذي يقابل الأخرى. فعلشان نعرف إذا كان الـ أ ب ولّا الـ أ ﺟ أكبر، أو التاني أكبر، فهنوجد قياسات الزوايا اللي موجودة في المثلث أ ب ﺟ.

فبما أن أ د يوازي ب ﺟ، إذن الزاوية د أ ب والزاوية أ ب ﺟ متساويتان؛ لأن هم زاويتان متبادلتان، يعني الزاوية دي قياسها ستة وستين درجة. وبما إن مجموع قياس الزوايا الداخلية لأيّ مثلث يساوي مية وتمانين درجة، يبقى نقدر نوجد قياس الزاوية ﺟ. يبقى قياس الزاوية ﺟ هيساوي مية وتمانين درجة ناقص الاتنين وخمسين درجة زائد الستة وستين هتساوي اتنين وستين درجة؛ يبقى قياس الزاوية ﺟ اتنين وستين درجة.

كده طول الضلع المقابل للزاوية ب هيبقى أكبر من باقي الزوايا، يعني أ ﺟ هيبقى أكبر من الـ أ ب، وأكبر من الـ ب ﺟ. والزاوية أ ﺟ ب يقابلها ضلع أكبر من الزاوية المقابلة للزاوية اللي قيمتها اتنين وخمسين درجة؛ يعني الـ ب ﺟ أصغر من الـ أ ب. يبقى الـ أ ﺟ أكبر من الـ أ ب، وأكبر من الـ ب ﺟ، الـ أ ب أكبر من الـ ب ﺟ.

هنشوف الاختيارات الموجودة؛ أ ب أكبر من أ ﺟ، أ ب أكبر من أ ﺟ لأ طبعًا. أ ب أصغر من ﺟ ب، أ ب أصغر من ﺟ ب لأ طبعًا. أ ب أكبر من ﺟ ب، فعلًا أ ب أكبر من ﺟ ب؛ يبقى الإجابة دي صحيحة. أ ﺟ أصغر من ﺟ ب، أ ﺟ أصغر من ﺟ ب طبعًا دي إجابة خاطئة.

يبقى الإجابة الصحيحة هي إن أ ب أكبر من ﺟ ب، وهي دي المتباينة الصحيحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.