فيديو: العد القفزي

يوضح الفيديو كيفية العد المتقطع بالاثنينات والخمسات والعشرات باستخدام خط الأعداد ولوحة المائة، وأمثلةً عليها.

٠٣:١٦

‏نسخة الفيديو النصية

العدّ القفزي.

في الفيديو ده هنتعلّم إزاي نعدّ بشكل متقطّع بالاتنينات، والخمسات، والعشرات؛ باستخدام خط الأعداد، ولوحة المائة.

نقدر نعدّ الأعداد بشكل قفزي أو متقطّع عن طريق إننا نتخطّى أعداد، ونكمّل عدّ.

يعني مثلًا على خط الأعداد اللي هيظهر ممكن نعدّ بالاتنينات؛ يعني هنضيف اتنين في كل مرة. يعني لو هنبدأ من الصفر، هتبقى الأعداد هي: اتنين، أربعة، ستة، تمنية، عشرة، اتناشر … لحد آخِر الخط.

يعني لمّا القفزة هتساوي اتنين هنكتب الأعداد بالشكل ده.

طيّب لو عاوزين نعدّ بالخمسات؟

بنفس الطريقة، لو هنبدأ من الصفر، هنعدّ بالشكل ده: خمسة، عشرة، خمستاشر، عشرين، خمسة وعشرين، تلاتين.

يعني لمّا القفزة بتساوي خمسة هنكتب الأعداد بالشكل ده. وممكن نكمّل إضافة بنفس النمط: خمسة وتلاتين، أربعين، خمسة وأربعين … لحد ما نحب نوقّف.

ولو عاوزين نعدّ بالعشرات، بنفس الطريقة لو هنبدأ من الصفر: عشرة، عشرين، تلاتين.

يعني لو القفزة بتساوي عشرة، بنكتب الأعداد بالشكل ده. وبرضو ممكن نكمّل بنفس النمط: أربعين، خمسين، ستين … لحد ما نحب نوقّف عدّ.

ممكن برضو نستخدم لوحة المائة في العدّ القفزي. نتنقل لصفحة تانية، ونشوف إزاي.

هتظهر قدّامنا لوحة المائة بس مش كاملة. وعاوزين نعدّ بالاتنينات، ونكمّل اللوحة. فهيبقى بالشكل ده: اتنين، أربعة، ستة، تمنية، عشرة، اتناشر، أربعتاشر … لحد نهاية اللوحة.

طيّب عاوزين نعدّ بالخمسات، ونحطّ دائرة باللون الأخضر حول الأعداد اللي بنعدّها. هيبقى: خمسة، عشرة، خمستاشر، عشرين، خمسة وعشرين، تلاتين … لحد آخِر اللوحة.

وبرضو ممكن نعدّ بالعشرات، ونعمل إشارة باللون الأحمر جنب الأعداد اللي بنعدّها. هيبقى: عشرة، عشرين، تلاتين، أربعين، خمسين، ستين، سبعين، تمانين، تسعين، مية.

وبكده نبقى خلّصنا الفيديو ده اللي اتعلّمنا فيه إزاي نعدّ بشكل متقطّع بالاتنينات، والخمسات، والعشرات؛ باستخدام خط الأعداد، ولوحة المائة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.