تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد رءوس صورة مثلث إذا كان المثلث الأصلي يدور حول محور إحداثيات

أحمد لطفي

دوّر المثلث الآتي حوْل نقطة الأصل ٩٠° في اتجاه عقارب الساعة. أيّ مجموعات الإحداثيات التالية ستكوّن رؤوس الصورة؟ [أ] (−٢، ١)، (−٢، ٤)، (−٥، ٢) [ب] (١، −٢)، (٤، −٢)، (٢، −٥) [ج] (٢، −١)، (٤، −٢)، (٢، −٥) [د] (٢، ١)، (٤، ٢)، (٢، ٥) [ﻫ] (١، ٢)، (٢، ٤)، (٥، ٢)

٠٢:٥٠

‏نسخة الفيديو النصية

دوّر المثلث الآتي حوْل نقطة الأصل تسعين درجة في اتجاه عقارب الساعة. أيّ مجموعات الإحداثيات التالية ستكوّن رؤوس الصورة؟

معطى خمس اختيارات. أول اختيار: النقطة سالب اتنين وواحد، والنقطة سالب اتنين وأربعة، والنقطة سالب خمسة واتنين. تاني اختيار: النقطة واحد وسالب اتنين، النقطة أربعة وسالب اتنين، النقطة اتنين وسالب خمسة. تالت اختيار: النقطة اتنين وسالب واحد، النقطة أربعة وسالب اتنين، والنقطة اتنين وسالب خمسة. رابع اختيار: النقطة اتنين وواحد، والنقطة أربعة واتنين، والنقطة اتنين وخمسة. خامس اختيار: النقطة واحد واتنين، والنقطة اتنين وأربعة، والنقطة خمسة واتنين.

في البداية لو عندنا نقطة مثلًا س وَ ص، وعايزين نوجد دوران النقطة حوْل نقطة الأصل تسعين درجة في اتجاه عقارب الساعة. فهتكون النقطة ص وَ سالب س. يعني الإحداثي السيني لنقطة الصورة كان هو الإحداثي الصادي للنقطة الأصلية. والإحداثي الصادي لنقطة الصورة كان هو المعكوس الجمعي للإحداثي السيني للنقطة الأصلية.

وبالتالي هنوجد رؤوس المثلث المعطى. فعندنا النقطة اتنين وواحد، وعندنا النقطة اتنين وأربعة، وعندنا النقطة خمسة واتنين. وبالتالي بالنسبة لأول نقطة، وهي النقطة اتنين وواحد. فدوران النقطة حوْل نقطة الأصل تسعين درجة في اتجاه عقارب الساعة، هتكون النقطة واحد وسالب اتنين.

وبالنسبة لتاني نقطة، اللي هي اتنين وأربعة. فدوران النقطة حوْل نقطة الأصل تسعين درجة في اتجاه عقارب الساعة، هيكون النقطة أربعة وسالب اتنين. وبالنسبة لآخر نقطة، اللي هي خمسة واتنين. فدوران النقطة حول نقطة الأصل تسعين درجة في اتجاه عقارب الساعة، هيكون النقطة اتنين وسالب خمسة.

وبالتالي مجموعات الإحداثيات هتكون: النقطة واحد وسالب اتنين، والنقطة أربعة وسالب اتنين، والنقطة اتنين وسالب خمسة. يبقى كده قدرنا نوصل لمجموعة الإحداثيات اللي هتكوّن رؤوس الصورة. وكانت هي: النقطة واحد وسالب اتنين، والنقطة أربعة وسالب اتنين، والنقطة اتنين وسالب خمسة.