فيديو: إيجاد طول قطعة مستقيمة في شبه منحرف

إذا كان ﺏﺃ = ٢٤ سم، دﺟ = ٢٦ سم، فأوجد طول القطعة المستقيمة ﻙو.

٠١:٣٣

‏نسخة الفيديو النصية

إذا كان ب أ يساوي أربعة وعشرين سنتيمتر، وَ د ج يساوي ستة وعشرين سنتيمتر، فأوجد طول ك و.

الشكل اللي عندنا اللي هو أ ب ج د ده شبه منحرف، فيه عندنا القاعدتين ج د بتوازي ب أ. هنلاحظ إن عندنا ك و ده مستقيم موازي للقاعدتين دول، وفي نفس الوقت بيصل بين منتصفَي الضلعين الآخرين؛ يعني ك و ده بيوازي ب أ، وبيوازي ج د، وفي نفس الوقت و هي منتصف الضلع أ د، وَ ك هي منتصف الضلع ب ج؛ فكده نقدر نقول إن ك و هي القاعدة المتوسطة في شبه المنحرف، القاعدة المتوسطة دي بتبقى بتوازي القاعدتين المتوازيتين لشبه المنحرف، وبتنصّف الضلعين اللي بيربطوا بين القاعدتين دول.

وبنقدر نوجد طول القاعدة المتوسطة في شبه المنحرف بإننا بنجمع طول القاعدتين المتوازيتين ونقسمهم على اتنين؛ يعني نقدر نوجد طول ك و بإنه هيبقى نص مجموع ب أ زائد د ج، هيبقى بيساوي نص في أربعة وعشرين زائد ستة وعشرين، يعني بيساوي نص في خمسين؛ هيبقى بيساوي خمسة وعشرين سنتيمتر، يبقى قدرنا نوجد طول ك و بإن هو هيبقى بيساوي خمسة وعشرين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.