تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل مسائل الكميات التي يمكن تمثيلها بالمتجهات

أحمد لطفي

باستخدام الشكل التالي، احسب المسافة ﻑ والإزاحة ﺭ التي يقطعها جسم يتحرك من النقطة ﺃ إلى النقطة ﺟ، ثم يعود إلى النقطة ﺏ.

٠١:٥٣

‏نسخة الفيديو النصية

باستخدام الشكل التالي، احسب المسافة ف والإزاحة ر التي يقطعها جسم يتحرك من النقطة أ إلى النقطة ﺟ ثم يعود إلى النقطة ب.

في البداية لو عايزين نحسب المسافة ف؛ فالمسافة ف هي المسافة اللي مشيها الجسم، وبما إن الجسم اتحرك من أ إلى ﺟ ثم عاد إلى النقطة ب، فهنلاحظ إن في البداية الجسم اتحرك من أ إلى ب، وبعدين اتحرك من ب إلى ﺟ، وبعدين اتحرك من ﺟ إلى ب.

يعني المسافة ف هتساوي المسافة بين أ وَ ﺟ، زائد المسافة بين ب وَ ﺟ، زائد المسافة بين ﺟ وَ ب؛ يعني المسافة ف هتساوي … أ ب بتساوي تمنية وعشرين سنتيمتر، زائد ب ﺟ هتساوي أربعة وعشرين سنتيمتر … زائد ﺟ ب هتساوي أربعة وعشرين سنتيمتر؛ يعني المسافة ف هتساوي ستة وسبعين سنتيمتر؛ وبالتالي يبقى الجسم اتحرك مسافة ستة وسبعين سنتيمتر.

لو عايزين نحسب الإزاحة ر، فالإزاحة ر هتساوي … هي أقصر مسافة بين نقطة البداية ونقطة النهاية، وبما إن نقطة بداية الحركة كانت النقطة أ، ونقطة نهاية الحركة كانت النقطة ب، عشان الجسم اتحرك من أ إلى ﺟ ثم عاد إلى ب، فهيكون عندنا الإزاحة هي المسافة بين نقطة البداية اللي هي النقطة أ، ونقطة النهاية اللي هي ب؛ يعني الإزاحة هتكون المسافة بين أ وَ ب.

وبالتالي الإزاحة ر هتساوي … المسافة بين أ وَ ر بتساوي تمنية وعشرين سنتيمتر.

ويبقى كده قدرنا نوجد إن الإزاحة ر هتساوي تمنية وعشرين سنتيمتر؛ يبقى المسافة ف هتساوي ستة وسبعين سنتيمتر، والإزاحة ر هتساوي تمنية وعشرين سنتيمتر.