تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس زاوية بمعلومية قياس الزاوية المناظرة لها

سوزان فائق

أوجد ق⦣ﺟ.

٠١:٥٦

‏نسخة الفيديو النصية

اوجد قياس زاوية ج.

علشان نوجد قياس زاوية ج، هنشوف زاوية ممكن تساويها من التوازي. فبما أن ج د بيوازي أ ب، فالزوايا الداخلية من ناحية واحدة من القاطع اللي هو أ ج، دول بيكونوا مكملتين لبعض؛ يعني مجموعهم بيساوي مية وتمانين درجة. فلو قدرنا نجيب قياس زاوية ب أ ج، ممكن نطرح الزاوية دي من المية وتمانين درجة، ونوجد قياس زاوية ج.

وعلشان نجيب قياس الزاوية ج أ ب، هنشوف علاقتها بالزوايا اللي حواليها، هنلاقي إن هنا مجموع الزوايا حوالين النقطة أ بيساوي تلتمية وستين درجة؛ قياس زاوية ب أ ج زائد قياس زاوية ب أ هـ زائد قياس زاوية هـ أ ج بيساوي تلتمية وستين درجة. بمعلومية ب أ هـ اللي هي بتساوي مية اتنين وتلاتين درجة، وَ هـ أ ج اللي بتساوي مية تلاتة وعشرين درجة؛ نقدر نجيب قياس زاوية ب أ ج. قياس زاوية ب أ ج تساوي تلتمية وستين درجة ناقص المية اتنين وتلاتين ناقص المية تلاتة وعشرين درجة، يعني هتساوي مية وخمسة درجة.

وزي ما قلنا إن قياس زاوية ج زائد قياس زاوية ب أ ج بتساوي مية وتمانين درجة؛ إذن قياس زاوية ج هتساوي المية وتمانين ناقص المية وخمسة، يعني هتساوي خمسة وسبعين درجة، وهو ده قياس زاوية ج المطلوبة، وهي دي قيمة قياس الزاوية المطلوبة.