فيديو: تسمية شكل مُعطى

ما اسم هذا الشكل؟ [أ] مربع [ب] مثلث [ج] نجمة [د] علامة زائد [ﻫ] مستطيل [و] دائرة

٠١:٢٧

‏نسخة الفيديو النصية

ما اسم هذا الشكل؟ عاوزين نعرف الشكل اللي قدامنا ده اسمه إيه؟ مربع، ولّا مثلث، ولّا نجمة، ولّا علامة زائد، ولا مستطيل، ولّا دائرة.

الشكل اللي قدامنا ده شكل رباعي؛ يعني له أربع أضلاع. فلو جينا نبص في الاختيارات، هنلاقي إن أول اختيار عندنا هو المربع، ممكن يبقى هو الإجابة الصح؛ لأن المربع برضو له أربع أضلاع. بس مش ممكن يكون مثلث؛ لأن المثلث له تلات أضلاع بس. ولا ممكن يكون نجمة؛ لأن النجمة ليها أكتر من أربع أضلاع، وده مش شكل النجمة. وبرضو مش ممكن إن هو يكون علامة زائد. بس ممكن يكون مستطيل؛ لأن المستطيل برضو له أربع أضلاع. ومش ممكن يكون دايرة.

فدلوقتي إحنا محتارين ما بين المربع والمستطيل. المربع أضلاعه الأربعة قَدّ بعض بالظبط. لكن المستطيل له طول وله عرض، والطول مش قد العرض. فده معناه إن الشكل اللي قدامنا ده ما ينفعش نقول عليه مربع، لكن ينفع نقول عليه مستطيل. فتبقى هي دي الإجابة الصح: مستطيل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.