تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد مجال ومدى الدوال الكسرية بمعلومية تمثيلها البياني

سوزان فائق

أوجد مجال ومدى الدالة د(ﺱ) = ١/ﺱ − ٥ في ﺡ.

٠١:٢٥

‏نسخة الفيديو النصية

اوجد مجال ومدى الدالة: د س بتساوي واحد على س، ناقص خمسة، في ح.

المجال هو قيم للمتغير س، اللي نقدر نستخدمها لإيجاد قيمة الدالة د س. والمدى هو القيم اللي بتاخدها الـ د س، تبعًا لقيم الـ س. من الرسم اللي قدامنا، هنلاقي إن الـ س عند الصفر، فيه محور تقارُب، ولا يمكن إنها تساوي الصفر. يبقى معنى كده إن المجال لازم يكون جميع قيم الأعداد الحقيقية، ما عدا الصفر. وممكن نتأكد من هنا كمان، إن الـ س في المقام، فلا يمكن أن تساوي الصفر. يبقى المجال هيبقى جميع الأعداد الحقيقية، ما عدا الصفر.

المدى لمّا هنبصّ على الرسم، هنلاقي إن عند السالب خمسة، فيه محور تقارُب أفقي. معنى كده إن الـ ص لا يمكن أن تساوي السالب خمسة. هي بس بتيجي تقرّب عند السالب خمسة، لكن لا تساويها. فبالتالي هنشيل من المدى، قيمة السالب خمسة للصادات. وبالتالي مدى الدالة هيبقى جميع الأعداد الحقيقية، ما عدا السالب خمسة. وهم دول مجال ومدى الدالة المرسومة.