فيديو: قراءة البيانات من التمثيل البياني بالأعمدة

يمثِّل الشكل التالي عدد الأقلام الجاف، والأقلام الرصاص، والمساطر، والممحوات التي بيعت في أحد المتاجر في أسبوع واحد. إذا كانت الأقلام الجاف هي الأكثر مبيعًا، والممحوات هي الأقل مبيعًا، وكانت مبيعات الأقلام الرصاص أكثر من المساطر، فأوجد عدد المساطر المبيعة.

٠١:٥٣

‏نسخة الفيديو النصية

يمثّل الشكل التالي عدد الأقلام الجاف والأقلام الرصاص والمساطر والممحاوات التي بيعت في أحد المتاجر في أسبوع واحد. إذا كانت الأقلام الجاف هي الأكتر مبيعًا والممحاوات هي الأقل مبيعًا، وكانت مبيعات الأقلام الرصاص أكتر من المساطر. فأوجد عدد المساطر المبيعة.

ومعطى عندنا الشكل اللي قدامنا ده، والأربع أعمدة اللي باللون الأخضر بتمثل الأدوات المبيعة. والمحور الرأسي بيعبر عن عدد الأدوات المبيعة. ومعطى عندنا في السؤال إن الأقلام الجاف هي الأكتر مبيعًا. وبما إن هي الأكتر مبيعًا، فمعنى كده إن هي اللي هيبقى بيمثلها أطول عمود؛ لأن العمود الأطول هو اللي بيعبّر عن أكبر عدد من الأدوات المبيعة. فبالتالي هيبقى العمود ده هو اللي بيمثّل الأقلام الجاف.

بعد كده معطى في السؤال إن الممحاوات هي الأقل مبيعًا؛ فبالتالي هيبقى أقصر عمود أو أصغر عمود هو اللي بيعبّر عن الممحوات، اللي هو العمود ده، فهيتبقى عندنا عمودين اللي هو العمود والعمود ده.

ومعطى عندنا في السؤال إن مبيعات الأقلام الرصاص أكتر من المساطر، فمعنى كده إن لمّا نيجي نشوف العمودين اللي عندنا، هيبقى العمود الأطول هو اللي بيمثّل مبيعات أكتر؛ فبالتالي هيبقى العمود الأطول هو اللي بيعبّر عن مبيعات الأقلام الرصاص. وأما العمود الأقصر منه فهو اللي بيمثّل مبيعات المساطر.

والمطلوب عندنا في السؤال إننا نوجد عدد المساطر المبيعة؛ فبالتالي هنيجي عند العمود اللي بيمثّل المساطر، ومن الشكل هنلاحظ إن عدد المساطر المبيعة هي تلاتين؛ لأن العمود ده بيمثّل العدد تلاتين. فبالتالي هيبقى عدد المساطر المبيعة هو تلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.