فيديو: تحديد مجموعة البيانات باستخدام المنوال المُعطى

ما مجموعة البيانات التي منوالها ٦؟ [أ] ٦، ٢٠، ١٥، ١٥ [ب] ٦، ٢٠، ٢٠، ١٥ [ج] ٦، ٦، ١٥، ٢٠ [د] ٦، ٢٠، ٥، ١٥ [ﻫ] ٦، ٢٢، ١٤، ١٥

٠١:٤٠

‏نسخة الفيديو النصية

ما مجموعة البيانات التي منوالها ستة؟ ومعطى عندنا الاختيارات؛ أ: ستة، وعشرين، وخمستاشر، وخمستاشر. ب ستة، وعشرين، وعشرين، وخمستاشر. ج: ستة، وستة، وخمستاشر، وعشرين. د: ستة، وعشرين، وخمسة، وخمستاشر. هـ: ستة، واتنين وعشرين، وأربعتاشر، وخمستاشر.

وفي الأول خلينا نفتكر إن المنوال هو القيمة أو القيم الأكتر تكرارًا في البيانات. فلمّا نيجي نشوف مجموعات البيانات اللي عندنا. وهنبدأ بمجموعة البيانات اللي في الاختيار أ. فنلاحظ إن عندنا القيمة الأكثر تكرارًا في البيانات هي العدد خمستاشر؛ لأنه بيتكرر مرتين. لكن المطلوب في السؤال إننا نحدد مجموعة البيانات اللي منوالها ستة. وبما إن مجموعة البيانات اللي في الاختيار أ المنوال بتاعها خمستاشر. فبالتالي هيبقى الاختيار أ اختيار خاطئ.

بعد كده هنيجي عند الاختيار ب. فهنلاحظ إن في مجموعة البيانات العدد عشرين بيتكرر مرتين. فبالتالي هو القيمة الأكثر تكرارًا في البيانات. فبالتالي هيبقى المنوال لمجموعة البيانات دي هو عشرين. وبالتالي هيبقى اختيار خاطئ.

وأما الاختيار ج فهنلاحظ إن في مجموعة البيانات اللي عندنا، القيمة الأكتر تكرارًا هي العدد ستة. وبالتالي هيبقى المنوال لمجموعة البيانات دي هو ستة. وبما إن مطلوب مننا في السؤال نحدِّد مجموعة البيانات اللي منوالها ستة. فبالتالي هيبقى الاختيار ج هو الاختيار الصحيح. فهتبقى إجابة السؤال هي مجموعة البيانات: ستة، وستة، وخمستاشر، وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.