فيديو: امتحان الجبر والهندسة الفراغية • ٢٠١٧/٢٠١٦ • السؤال الثالث

امتحان الجبر والهندسة الفراغية • ٢٠١٧/٢٠١٦ • السؤال الثالث

٠٢:٣٥

‏نسخة الفيديو النصية

في مفكوك: س ناقص، واحد على س؛ الكل أُس عشرة. أوجد الحدّ الثابت.

المطلوب هو إيجاد الحدّ الثابت، أو الحدّ الخالي من س من مفكوك ذات الحدين المعطاة.

نفتكر إن إذا كانت ذات الحدين على الصورة: أ زائد ب، الكل أُس ن. هتبقى صيغة الحدّ العام ليها هي: ح ر زائد واحد هيساوي ن ق ر. في أ أُس ن ناقص ر. في ب أُس ر.

حيث ر أكبر من أو تساوي الصفر، وأصغر من أو تساوي ن. وَ أ هو الحدّ الأول في ذات الحدين، اللي في الحالة دي بيساوي س. وَ ب هي الحدّ التاني في ذات الحدين، اللي في الحالة دي هيساوي سالب واحد على س. وَ ن في الحالة دي هتساوي أُس ذات الحدين، اللي بيساوي عشرة.

يبقى الحدّ العام لذات الحدين المعطاة هيساوي عشرة ق ر، في س أُس عشرة ناقص ر، في سالب واحد على س أُس؛ ر.

ممكن نقول إن سالب واحد على س أُس؛ ر. هيساوي سالب واحد أُس ر، في واحد على س أُس؛ ر. وواحد على س أُس؛ ر، بيساوي س أُس سالب واحد، الكل أُس ر. يعني هيساوي س أُس سالب ر. يعني ممكن نقول إن سالب واحد على س أُس؛ ر. هيساوي سالب واحد أُس ر، في س أُس سالب ر.

يبقى الحدّ العام هيساوي عشرة ق ر، في س أُس عشرة ناقص ر، في سالب واحد أُس ر، في س أُس سالب ر. وبجمع الأُسُس للأعداد ذات الأساسات المتشابهة. الحدّ العام هيساوي عشرة ق ر، في سالب واحد أُس ر، في س أُس عشرة ناقص اتنين ر.

وبما إن المطلوب هو الحدّ الثابت أو الحدّ الخالي من س، يعني الحدّ اللي فيه س أُس صفر. يبقى ممكن نساوي أُس الـ س في الحدّ العام بالصفر. يعني هنقول إن عشرة ناقص اتنين ر بيساوي صفر.

بطرح عشرة من الطرفين، هيبقى سالب اتنين ر بيساوي سالب عشرة. وبقسمة الطرفين على سالب اتنين، هيبقى ر بيساوي خمسة. وبالتعويض بقيمة ر في الحدّ العام. ده هيساوي ح خمسة، اللي هي قيمة ر اللي أوجدناها، زائد واحد؛ اللي هيساوي ح ستة.

يعني الحدّ الثابت الخالي من س هيبقى الحدّ السادس.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.