فيديو: تقسيم المستطيل إلى أرباع أشكالها مختلفة

اختر المستطيل المُقسم إلى أرباع. [أ] شكل أ [ب] شكل ب [ج] شكل ﺟ [د] شكل د

٠٢:٥٦

‏نسخة الفيديو النصية

اختر المستطيل المقسَّم إلى أرباع.

عاوزين نختار المستطيل المتقسم لأربعة أرباع. هل هو المستطيل أ، ولّا ب، ولّا ﺟ، ولّا د؟ لو جينا نبصّ على المستطيل أ، اللي هو ده، هنلاقيه متقسّم لتلات أجزاء. ده جزء، وده التاني، وده التالت. فده معناه إن المستطيل ده مش متقسّم لأربع أجزاء. يبقى مش هو الإجابة الصح.

نيجي للمستطيل ب، هنلاقيه متقسّم لكام جزء. جزء، اتنين، تلاتة. برضو مش أربع أجزاء. فما يبقاش هو الإجابة الصح. نبصّ على تالت مستطيل، المستطيل ج، ونشوفه متقسّم لكام جزء. آدي جزء، اتنين، تلاتة، أربعة، خمسة، ستة. متقسّم لست أجزاء، مش أربعة. فيبقى برضو هو اختيار مش صح.

نيجي لآخر مستطيل، اللي هو المستطيل ده، ونشوف متقسّم لكام جزء. واحد، اتنين، تلاتة، أربعة. أيوه هو ده المستطيل المتقسّم لأربع أجزاء. وناخد بالنا من حاجة مهمة في السؤال؛ إن هو في السؤال بيقول لنا عاوزين نختار المستطيل المقسّم إلى أرباع. يعني كل جزء عبارة عن رُبع المستطيل.

ما إحنا كان ممكن نلاقي مستطيل بالشكل ده؛ مستطيل كده مثلًا، متقسّم لأربع أجزاء برضو. آدي جزء، اتنين، تلاتة، أربعة. بس الأجزاء مش قدّ بعض. يعني هتلاقي الجزء رقم اتنين صغير، والجزء رقم واحد كبير؛ الأجزاء مش متساوية. فده معناه إن كل جزء مش بيمثّل رُبع المستطيل. لكن لو جينا نبصّ على الاختيار بتاعنا، ونشوف المستطيل فيه متقسّم إزاي. هنلاقي المستطيل متقسّم للجزء ده، والجزء ده. ده رُبع، وده رُبع؛ قدّ بعض، وزيّ بعض. والجزئين اللي تحت، اللي هو التالت والرابع، برضو كل جزء فيهم رُبع، ورُبع.

يبقى ده معناه إن المستطيل متقسّم لأربع أجزاء. اتقسَم الأول بالنصّ هنا كده، فبقى ده كده كله، أو الجزء اللي فوق ده كله كده نص. والجزء اللي تحت ده كله نص. والنص ده اتقسَم رُبعين، والنص ده اتقسم رُبعين. فده معناه إن المستطيل متقسّم لأربع أجزاء. كل جزء من الأربع أجزاء دول، هو رُبع المستطيل. تبقي دي الإجابة الصح: المستطيل د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.