فيديو: تحديد الزوايا المتتامة

إذا كانت ∠ﺃ، ∠ﺏ زاويتين متتامتين، ق∠ﺃ = ق∠ﺟ، ∠د تُتِم ∠ﺟ، فأيٌّ من التالي يساوي ق∠ﺏ؟

٠٢:١٤

‏نسخة الفيديو النصية

إذا كانت الزاوية أ والزاوية ب زاويتين متتامَّتين، وقياس الزاوية أ يساوي قياس الزاوية ج، والزاوية د تتمّ زاوية ج. فأيٌّ من التالي يساوي قياس الزاوية ب. ومعطى عندنا الاختيارات؛ أ: قياس الزاوية ج. ب: قياس الزاوية أ. ج: قياس الزاوية د.

فأوّل حاجة معطاة عندنا في السؤال إن الزاويتين أ وَ ب زاويتين متتامَّتين. وخلِّينا نفتكر إن الزاويتين المتتامّتين هم الزاويتين اللي مجموع قياسهم تسعين درجة. فمعنى كده إن قياس الزاوية أ زائد قياس الزاوية ب يساوي تسعين درجة. وبعد كده معطى عندنا في السؤال إن قياس الزاوية أ يساوي قياس الزاوية ج. ومعطى أيضًا إن الزاوية د تتمّ زاوية ج. والزاوية د بتتمّ الزاوية ج معناها إن الزاويتين ج وَ د زاويتين متتامّتين. وزيّ ما قلنا إن الزاويتين المتتامّتين مجموع قياسهم تسعين درجة. فبالتالي هيبقى قياس الزاوية ج زائد قياس الزاوية د يساوي تسعين درجة.

والمطلوب في السؤال إننا نحدّد أنهي زاوية اللي قياسها بيساوي قياس الزاوية ب. فبما إن معطى عندنا في السؤال إن قياس الزاوية أ تساوي قياس الزاوية ج. يعني هيبقى المعادلتين هنا قياس الزاوية أ بيساوي قياس الزاوية ج. وعشان أيّ معادلة تتحقَّق لازم يكون الطرف الأيمن بيساوي الطرف الأيسر للمعادلة. فبما إن الطرف الأيسر في المعادلتين هو تسعين درجة. فمعنى كده إن عشان المعادلتين يتحقّقوا لازم يكون الطرف الأيسر بيساوي الطرف الأيمن. وبما إن الطرف الأيسر في المعادلتين بيساوي بعض، فمعنى كده إن لازم يكون الطرف الأيمن في المعادلة دي بيساوي الطرف الأيمن في المعادلة دي.

وبما إن معطى عندنا إن قياس الزاوية أ يساوي قياس الزاوية ج. فمعنى كده إن علشان الطرف الأيمن في المعادلة الأولى يساوي الطرف الأيمن في المعادلة التانية. فمعنى كده إن لازم يكون قياس الزاوية ب بيساوي قياس الزاوية د؛ عشان المعادلتين يتحققوا.

وبالتالي هتبقى إجابة السؤال «أيٌّ من التالي يساوي قياس الزاوية ب؟»، هيبقى الاختيار ج: قياس الزاوية د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.