فيديو: امتحان الفزياء للعام السابق • ٢٠١٨/٢٠١٧ • السؤال الخامس عشر

امتحان الفزياء للعام السابق • ٢٠١٨/٢٠١٧ • السؤال الخامس عشر

٠١:٢٠

‏نسخة الفيديو النصية

كيف يمكن الحدّ من آثار الضوضاء الكهربية عند نقل المعلومات لا سلكيًّا؟

فعند نقل بعض المعلومات، المعلومات بتبقى عبارة عن إشارة تناظرية. يعني الإشارة اللي بتُرسَل ممكن تاخد أيّ قيمة في أيّ وقت في الزمن. مثلًا: واحد، أو اتنين، أو اتنين ونُصّ. وممكن حتى تبقى قيمة الإشارة بالسالب.

ولكن لو المعلومات بتتنقل لا سلكيًّا، بيبدأ يظهر شويّة تشويش أو ضوضاء كهربية. وده بيأدّي إن النقط اللي في الإشارة قيمتها بتتغيّر عن القيم الأصلية. يعني مثلًا بسبب التشويش ممكن الواحد تبقى واحد وخمسة من العشرة.

فعشان نحافظ على قيم الإشارة وما نخلّيهاش تتغيّر، بنحوّل كل قيمة موجودة في الإشارة لكود ثنائي. يعني بتبقى عبارة عن أرقام مكوّنة من واحد، وصفر بس. فبتبقى قيم الإشارة اللي بنبعتها مكوّنة من صفر، وواحد بس.

فلمّا بتأثّر الضوضاء الكهربية على الإشارة، بيبقى لسه عندنا المقدرة إن إحنا نعرف إن دي واحد، ودي صفر، ودي واحد، وهكذا … وبعد ما بنستقبل الإشارة المكوّنة من كود ثنائي، بنرجع نحوّلها تاني للإشارة التناظرية، ونعرف منها المعلومات اللي كانت منقولة.

فكده ممكن نقول إن إحنا ممكن نقلّل آثار الضوضاء الكهربية عند نقل المعلومات لا سلكيًّا. بتحويل المعلومات من إشارات كهربية إلى كود أو شفرة أساسها قيمتي: الصفر، والواحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.