فيديو: إيجاد المقسوم عليه في مسائل القسمة المطوَّلة

١٥٧‎٥٠٠ ÷ _ = ٨٧٥.

٠٤:٤٣

‏نسخة الفيديو النصية

مية سبعة وخمسين ألف وخمسمية على، نقط، هيساوي تمنمية خمسة وسبعين.

عندنا عملية قسمة، ومطلوب إننا نجيب العدد اللي ناقص. العدد الأولاني في عملية القسمة بيكون اسمه المقسوم. العدد التاني اسمه المقسوم عليه. والعدد التالت اللي في عملية القسمة، أو ناتج عملية القسمة، اسمه ناتج القسمة. العدد اللي ناقص اللي المطلوب إننا نجيبه هو المقسوم عليه. هناخد مثال على أعداد أصغر؛ عشان نعرف إيه العملية اللي هنقوم بيها عشان نجيب العدد اللي ناقص.

لو عندي مثلًا خمستاشر على، نقط، هيساوي تلاتة. عشان أجيب المقسوم عليه، هقسم خمستاشر على تلاتة. يعني هيساوي خمسة. وبكده أقدر أقول إنه مية سبعة وخمسين ألف وخمسمية، على تمنمية خمسة وسبعين، هيساوي المقسوم عليه اللي إحنا عايزين نجيبه. هنستخدم القسمة المطوّلة. هنلاقي إننا هنقسم عدد صحيح، على عدد مكوّن من تلات أرقام.

لو بدأت بأول تلات أرقام، هقسم مية سبعة وخمسين، على تمنمية خمسة وسبعين، مش هينفع. لأنه مية سبعة وخمسين أقلّ من تمنمية خمسة وسبعين. إذن هقسم ألف خمسمية خمسة وسبعين، على تمنمية خمسة وسبعين. لمّا نيجي نفكّر ألف خمسمية خمسة وسبعين فيها حوالي كام تمنمية خمسة وسبعين. هنلاقي إن فيها واحد فقط. لأنه أصلًا ضِعف التمنمية، هيكون ألف وستمية؛ يعني أكبر من ألف خمسمية خمسة وسبعين. إذن هكتب واحد، وبعدين هضرب واحد في تمنمية خمسة وسبعين.

واحد في تمنمية خمسة وسبعين، هيساوي تمنمية خمسة وسبعين. هطرح خمسة ناقص خمسة، هيساوي صفر. وسبعة ناقص سبعة، يساوي صفر. وخمسة ناقص تمنية، مش هينفع. الخمسة هتبقى خمستاشر؛ لأننا هنستلف واحد من خانة الألوف، والواحد هتبقى صفر. خمستاشر ناقص تمنية، هيساوي سبعة. هننزّل صفر، بقى عندنا سبعة آلاف على تمنمية خمسة وسبعين. بالتقريب، لو قرّبنا تمنمية خمسة وسبعين إلى أقرب مية، بقت تسعمية.

هنلاقي إنه إيه العدد اللي هنضربه في تسعمية، هيدّيني عدد قريب جدًّا من سبعة آلاف؟ هنلاقي إنه حاصل ضرب تسعمية في تمنية، هيساوي سبعة آلاف وميتين. إذن هنجرّب تمنمية خمسة وسبعين في تمنية. تمنية في خمسة، هيساوي أربعين. صفر، وهكتب أربعة فوق خانة العشرات. تمنية في سبعة، هيساوي ستة وخمسين. زائد أربعة، هيساوي ستين. هكتب صفر، وستة فوق خانة المئات. تمنية في تمنية، هيساوي أربعة وستين. زائد ستة، هيساوي سبعين.

إذن فعلًا حاصل ضرب تمنية في تمنمية خمسة وسبعين، هيساوي سبعة آلاف. إذن خارج القسمة هيكون تمنية. هضرب تمنية في تمنمية خمسة وسبعين، هيساوي سبعة آلاف. وبعدين هطرح سبعة آلاف ناقص سبعة آلاف، هيساوي أصفار. وبعد كده هننزّل الصفر الأخير. صفر على تمنمية خمسة وسبعين، هيساوي صفر. إذن ناتج قسمة مية سبعة وخمسين ألف وخمسمية، على تمنمية خمسة وسبعين، هيساوي مية وتمانين.

وبكده أقدر أقول إنه مية سبعة وخمسين ألف وخمسمية، على المقسوم عليه اللي حصلنا عليه، اللي هو اللي هو مية وتمانين، هيساوي تمنمية خمسة وسبعين. يعني العدد اللي ناقص هو مية وتمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.