فيديو: إيجاد الجزء المقطوع من محور الصادات لدالة خطية بمعلومية جدول الدالة

ما القيمة الابتدائية ومعدَّل التغيُّر للدالة الممثَّلة في الجدول الموضَّح؟

٠٣:٣٠

‏نسخة الفيديو النصية

ما القيمة الابتدائية ومعدل التغير للدالة الممثلة في الجدول الموضح؟

القيمة الابتدائية هي قيمة ص لمّا س بتساوي صفر. فأول حاجة، نحسب معدل التغير للدالة. بعد كده نوجد منه القيمة الابتدائية. قانون معدل التغير هو: معدل التغير يساوي التغير في ص على التغير في س. فده هيساوي … هناخد أول نقطة وآخر نقطة.

فهيبقى سالب واحد هو س واحد. وسبعة على ستة هي ص واحد. واتنين هي س اتنين. وسالب خمسة على ستة هي ص اتنين. يبقى معدل التغير هيساوي ص اتنين ناقص ص واحد، على س اتنين ناقص س واحد. اللي هيساوي سالب خمسة على ستة، ناقص سبعة على ستة؛ مقسوم على اتنين، ناقص سالب واحد. ده هيساوي … سالب خمسة على ستة، ناقص سبعة على ستة، هيساوي سالب اتناشر على ستة. على … اتنين ناقص سالب واحد يعني اتنين زائد واحد، هيساوي تلاتة. ده هيساوي … سالب اتناشر على ستة هيساوي سالب اتنين، على تلاتة. وده معدل التغير للدالة.

عشان نوجد قيمة ص لمّا س بتساوي صفر، اللي هي القيمة الابتدائية، هنستخدم معدل التغير. معدل التغير زيّ ما قلنا بيساوي التغير في ص على التغير في س. فلو اعتبرنا النقطة الأولى زي ما هي، سالب واحد وسبعة على ستة. والنقطة التانية هي صفر وَ ص.

فباستخدام معادلة معدل التغير، ممكن نقول إن سالب اتنين على تلاتة. اللي هو معدل التغير. هيساوي ص اتنين، اللي هو في الحالة دي بيساوي ص. ناقص ص واحد، اللي هو سبعة على ستة. على س اتنين، اللي هو في الحالة دي بيساوي صفر. ناقص س واحد، اللي بيساوي سالب واحد.

ده هيساوي ص ناقص، سبعة على ستة، على … صفر ناقص سالب واحد، يعني صفر زائد واحد، يعني واحد. يبقى سالب اتنين على تلاتة هيساوي ص ناقص، سبعة على ستة. هنضيف سبعة على ستة للطرفين، يبقى ص هتساوي سالب اتنين على تلاتة، زائد سبعة على ستة.

فعلشان نوحّد المقامات، هنضرب البسط والمقام سالب اتنين على تلاتة، في اتنين. يبقى ده هيساوي … سالب اتنين في اتنين يعني سالب أربعة. على … تلاتة في اتنين، يعني ستة. زائد سبعة على ستة. اللي هيساوي تلاتة على ستة. يعني هيساوي، باستخدام التبسيط، واحد على اتنين. وهي دي القيمة الابتدائية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.