تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول ضلع في مثلث بمعلومية الضلع المناظر له في مثلث مطابق وأطوال الأضلاع الأخرى للمثلثين

أحمد لطفي

أوجد طول كلٍّ من القطعة المستقيمة ﺃﻥ والقطعة المستقيمة ﺏﻥ.

٠٢:٣٥

‏نسخة الفيديو النصية

اوجد طول قطعة مستقيمة أ ن والقطعة المستقيمة ب ن.

في البداية هنلاحظ إن قياس الزاوية أ ج ب بيساوي قياس الزاوية ل أ ن بيساوي مية وأربعة درجة، وهنلاحظ أيضًا إن قياس الزاوية ب أ ج بيساوي قياس الزاوية ن ل أ بيساوي تسعة وتلاتين درجة، وهنلاحظ أيضًا إن أ ج بيساوي ل أ بيساوي سبعة وتلاتين سنتيمتر؛ وبالتالي نقدر نستنتج إن المثلث ل أ ن يطابق المثلث أ ج ب، عشان عندنا زاويتان متطابقتان مع الزاويتان اللي في المثلث الآخر، وأيضًا عندنا طول الضلع اللي بين الزاويتين مطابق مع طول الضلع اللي بين الزاويتين في المثلث الآخر، وبالتالي المثلثان متطابقان ومن التطابق نقدر نستنتج إن الأضلاع المتناظرة في المثلثات المتطابقة بتكون متساوية في الطول، يعني أ ن هيساوي ج ب، وبما إن ج ب معطى بتمنية وتلاتين سنتيمتر، يبقى نقدر نقول إن أ ن هيساوي ج ب هيساوي تمنية وتلاتين سنتيمتر، ويبقى كده قدرنا نوجد أول مطلوب وهو أ ن بيساوي تمنية وتلاتين سنتيمتر، من خلال التطابق نقدر نوجد إن ب أ هتساوي ن ل، وبما إن مُعطى ن ل بتساوي تسعة وخمسين سنتيمتر، يبقى ب أ هتساوي أيضًا تسعة وخمسين سنتيمتر، وبالتالي عشان نقدر نوجد ب ن فـ ب ن هتساوي ب أ ناقص أ ن، يعني هتساوي تسعة وخمسين ناقص تمنية وتلاتين، يعني ب ن هتساوي واحد وعشرين سنتيمتر، ويبقى كده قدرنا نوجد ب ن وكانت بتساوي واحد وعشرين سنتيمتر.