فيديو: ضرب الأعداد في الصورة القياسية

أوجد قيمة (٤٫١ × ١٠^٣) × (٩ × ١٠^٧) في الصورة القياسية.

٠١:٤٩

‏نسخة الفيديو النصية

أوجد قيمة أربعة وواحد من عشرة في عشرة أُس تلاتة، مضروبة في تسعة في عشرة أُس سبعة؛ في الصورة القياسية.

عملية الضرب هي عملية إبدالية ودامجة. يعني تقبل الإبدال، وتقبل الدمج. نقدر نكتب المقدار ده، بالصورة دي: أربعة وواحد من عشرة، في تسعة، في عشرة أُس تلاتة، في عشرة أُس سبعة. يعني عملية الضرب، زيّ ما قلنا، هي عملية إبدالية. ونقدر ندمج أربعة وواحد من عشرة مع تسعة. يعني نحطّ أربعة وواحد من عشرة في تسعة، بين قوسين. وكمان نقدر ندمج عشرة أُس تلاتة، مضروبة في عشرة أُس سبعة.

أربعة وواحد من عشرة مضروبة في تسعة، بتساوي ستة وتلاتين وتسعة من عشرة. وعشرة أُس تلاتة مضروبة في عشرة أُس سبعة. الأساس واحد، اللي هو عشرة، عشان كده هنجمع الأُسُس. تلاتة زائد سبعة، بيساوي عشرة. يعني قيمة المقدار ده بتساوي ستة وتلاتين وتسعة من عشرة، في عشرة أُس عشرة.

لكن الناتج ده مش في الصورة القياسية. علشان يبقى في الصورة القياسية، المفروض مكان العلامة العشرية يبقى هنا. لو ضربنا في عشرة على عشرة، اللي هي واحد، المحايد الضربي. هنلاقي إن ده بيساوي ستة وتلاتين وتسعة من عشرة على عشرة، مضروبة في عشرة أُس عشرة، مضروبة في عشرة.

ستة وتلاتين وتسعة من عشرة على عشرة، هتساوي تلاتة وتسعة وستين من مية. عشرة أُس عشرة مضروبة في عشرة، يعني عشرة أُس عشرة مضروبة في عشرة أُس واحد. الأساس واحد، اللي هو عشرة، هنجمع الأُسُس. عشرة زائد واحد بيساوي حداشر. وهتكون قيمة أربعة وواحد من عشرة في عشرة أُس تلاتة، مضروبة في تسعة، في عشرة أُس سبعة؛ في الصورة القياسية. بتساوي تلاتة وتسعة وستين من مية في عشرة أُس حداشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.