فيديو: معرفة الدوال العكسية من التمثيلات البيانية والجداول

فيما يلي تمثيلان بيانيان للدالتين د، ع من المجموعة {١، ٢، ٣، ٤، ٥، ٦} نفسها. اكتب الدالة ﺡ(ﺱ) = د(ﻉ(ﺱ)) في صورة قائمة أزواج مرتبة. ماذا يمكن أن تستنتج؟

٠٣:١٢

‏نسخة الفيديو النصية

فيما يلي تمثيلان بيانيّان للدالتين د وَ ع من المجموعة: واحد واتنين وتلاتة وأربعة وخمسة وستة، نفسها. اكتب الدالة ح س بتساوي د للـ ع س في صورة قائمة أزواج مرتّبة. ماذا يمكن أن تستنتج؟

يعني هناخد كل عنصر من دول، وهنجيب له الـ ح س بتاعته. العنصر رقم واحد، يبقى الـ ح للواحد هيساوي د للـ ع للواحد. هنشوف من الرسم الـ ع واحد قيمتها كام. هنسمّي الرسم الأول ده ع، والرسم التاني د. الـ د للـ ع واحد؛ يعني هنقف عند الواحد، ونشوف القيمة بتاعته كام. هنلاقي إن القيمة خمسة، يبقى هنوجد الـ د للخمسة. الـ د للخمسة لمّا هنبصّ على الدالة د عند الخمسة، هنلاقي إن قيمتها واحد، يبقى الـ ح واحد بتساوي واحد.

هنكرر الكلام ده بالنسبة للعنصر اتنين، هيساوي د للـ ع للاتنين، هنروح عند الاتنين في الدالة ع، هنلاقي إن قيمتها واحد، يبقى د للواحد هتساوي … الـ د واحد هنلاقي إن قيمتها اتنين، يبقى الـ ح اتنين هتساوي اتنين، وهكذا هنكمّل بنفس الطريقة.

يبقى الأزواج المرتّبة للـ ح هتساوي واحد وواحد، اتنين واتنين، تلاتة وتلاتة، أربعة وأربعة، خمسة وخمسة، والستة وستة. لو عكسنا الدالة الـ ع والـ د الرسمين مع بعض، هنلاقي إن هي نفس النتايج. والخط المنقّط ده اللي هو ص يساوي س في الرسمتين، لو بصّينا عليه، هنلاقي إن النقاط في الرسم الأول؛ النقطة دي لها معكوسها بالنسبة للـ ص يساوي س هي الأربعة والستة والستة والأربعة، الأربعة والستة هنلاقي ستة وأربعة، الخمسة والتلاتة هنلاقي التلاتة والخمسة، التلاتة والاتنين هنلاقي الاتنين والتلاتة، الاتنين والواحد هنلاقي الواحد والاتنين، الواحد والخمسة هنلاقي الخمسة والواحد.

يبقى معنى كده إن كل نقطة لها نقطة معكوسة ليها في الرسم التاني، يبقى معنى كده إن الرسمين دول معكوس لبعض؛ يعني معنى كده إن الـ ع معكوس للـ د، أو الـ د معكوس للـ ع. يبقى بنستنتج إن الـ ع معكوس للـ د، ودي هي قايمة الأزواج المرتّبة اللي بتدلّ على الدالة ح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.