فيديو: امتحان الفزياء للعام السابق • ٢٠١٨/٢٠١٧ • السؤال الحادي والأربعون

امتحان الفزياء للعام السابق • ٢٠١٨/٢٠١٧ • السؤال الحادي والأربعون

٠١:١٧

‏نسخة الفيديو النصية

ما المفهوم العلمي للمعاوقة في دوائر التيار المتردد؟

فلو فيه دايرة تيار متردد، مكوّنة من مقاومة أومية، وملف حث، ومكثف. ملفّ الحث بيقاوم التغير اللي بيحصل في التيار. والمكثف بيقاوم التغير اللي بيحصل في فرق الجهد. ولكن المقاومات دي بتختلف عن المقاومة الأومية، في إن ما بيضِيعش فيها أيّ طاقة في صورة حرارة. وعلشان كده بتسمى مفاعلة. ومفاعلة ملف الحث بيبقى اسمها المفاعلة الحثية. وبنرمز لها بِـ 𝐿 𝑥. ومفاعلة المكثف fيبقى اسمها المفاعلة السعوية. وبنرمز لها بِـ 𝐶 𝑥.

فلو مثّلنا المفاعلات والمقاومة الأومية كمتجاهات، هنلاقي إن المفاعلة الحثية بتبقى سابقة المقاومة الأومية بتسعين درجة. وده لأن فرق الجهد اللي بيتكوّن على الملف، بيبقى سابق فرق الجهد اللي على المقاومة بتسعين درجة. أمّا المفاعلة السعوية فبتبقى متأخرة عن المقاومة بتسعين درجة. وده لأن فرق الجهد اللي على المكثف، بيبقى متأخر عن فرق الجهد اللي على المقاومة بتسعين درجة.

وعلشان كده لمّا بنجمع المقاومة الأومية والمفاعلة السعوية والمفاعلة الحثية، بنجمعها كمتجهات. ومجموعهم بنرمز له بِـ 𝑧. وبنسميه المعاوقة الكلية. وبيساوي الجذر التربيعي لقيمة المقاومة الأومية تربيع، زائد حاصل فرق المفاعلة الحثية والمفاعلة السعوية تربيع. ومن هنا نقدر نقول إن المفهوم العلمي للمعاوقة، إنها مكافئ المقاومة والمفاعلة معًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.