فيديو: إيجاد مجهول في جدول باستخدام علاقات التناسُب

في الجدول التالي، تتناسب الأعداد في الصف الأول مع الأعداد المناظرة في الصف الثاني. ما قيمة ﺱ؟

٠١:١١

‏نسخة الفيديو النصية

في الجدول التالي، تتناسب الأعداد في الصف الأول، مع الأعداد المناظرة في الصف الثاني. ما قيمة س؟

يعني معطى عندنا إن الأعداد اللي في الصف الأول، اللي هي تلاتة وَ س. متناسبة مع الأعداد المناظرة في الصف التاني، اللي هي أربعة وستة. وبما إن الصف الأول متناسب مع الصف التاني، فمعنى كده إن نسبة تلاتة إلى س، بتساوي نسبة أربعة إلى ستة. فبالتالي نقدر نكتب النسبتين بالشكل ده.

فهيبقى عندنا تلاتة على س، بيساوي أربعة على ستة. فبالتالي هيبقى عندنا عدد واحد مجهول، اللي هو س. فعشان نوجد قيمة س، يبقى هنعمل ضرب تبادلي. فبالتالي هتبقى س بتساوي تلاتة في ستة، الكل على أربعة. فلمّا نحسب قيمة المقدار ده، هيبقى بيساوي أربعة وخمسة من عشرة. وبالتالي هتبقى قيمة س هي أربعة وخمسة من عشرة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.