فيديو: ضرب الأعداد العشرية في أعداد صحيحة

احسب ٠٫٠٣٧٨ × ٣٤.

٠٢:٢٧

‏نسخة الفيديو النصية

احسب تلتمية تمنية وسبعين من عشرة آلاف في أربعة وتلاتين.

عشان نوجد حاصل الضرب اللي عندنا ده، ناخد بالنا إن إحنا بنضرب عدد عشري في عدد صحيح. عشان نسهّل على نفسنا إجراء عملية الضرب، هنتجاهل العلامة العشرية اللي موجودة في العدد الأول. ونضرب العدد، اللي هو تلتمية تمنية وسبعين، كأنه هو عدد صحيح في أربعة وتلاتين. ولمّا نحصل على حاصل الضرب، هنرجّع العلامة العشرية على مسافة أربع أرقام من جهة اليمين في حاصل الضرب اللي هنوجده.

يعني هنبدأ الأول نعمل عملية الضرب كأننا بنضرب عددين صحيحين في بعض. دلوقتي هنبدأ نضرب أربعة في تمنية، هيبقى بيساوي اتنين وتلاتين. هنكتب الاتنين، والتلاتة هنحتفظ بيها فوق خانة العشرات. بعد كده هنضرب أربعة في سبعة، يساوي تمنية وعشرين. زائد تلاتة، يبقى واحد وتلاتين. هنكتب الواحد، والتلاتة هنحتفظ بيها فوق خانة المئات. دلوقتي هنضرب أربعة في تلاتة، يساوي اتناشر. زائد تلاتة، هيبقى بيساوي خمستاشر.

دلوقتي نبتدي نضرب تلاتة في تمنية. تلاتة في تمنية بأربعة وعشرين. نبتدي نكتب الناتج هنا في خانة العشرات. أربعة، وهنكتب الاتنين اللي عندنا فوق خانة العشرات. بعد كده هنضرب تلاتة في سبعة، بواحد وعشرين. زائد اتنين، يبقى تلاتة وعشرين. هنكتب التلاتة، والاتنين هنحتفظ بيها فوق خانة المئات. بعد كده هنضرب تلاتة في تلاتة، يساوي تسعة. زائد اتنين، هيبقى بيساوي حداشر.

دلوقتي هنبدأ نجمع حواصل الضرب الجزئية؛ عشان نحصل على حاصل الضرب النهائي. اتنين زائد صفر هيساوي اتنين. واحد زائد أربعة يساوي خمسة. خمسة زائد تلاتة هيساوي تمنية. واحد زائد واحد هيساوي اتنين. صفر زائد واحد هيساوي واحد.

فحاصل الضرب اللي حصلنا عليه ده، اللي هو اتناشر ألف تمنمية اتنين وخمسين، ده لمّا افترضنا إن العدد الأول عدد صحيح مش عدد عشري، وأهملنا العلامة العشرية. بس في الحقيقة هو عدد عشري. العلامة العشرية موجودة على مسافة أربع أرقام من جهة اليمين. يبقى هنيجي على حاصل الضرب، ونعدّ أربع أماكن، أو أربع أرقام من جهة اليمين، وبعدين نحطّ العلامة العشرية.

وبكده يبقى قدرنا نوجد حاصل الضرب المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.