فيديو: إيجاد الجذور التربيعية بمعلومية الأعداد في المسائل الكلامية الواقعية

تبلغ مساحة أحد المنتزهات ٣٣٥‎٢٤١ قدمًا مربعةً. إذا كانت حدود هذا المنتزه متماثلة في الطول، فأوجد طول كل ضلع على حدة.

٠٣:٣٣

‏نسخة الفيديو النصية

تبلغ مساحة أحد المنتزهات تلتمية خمسة وتلاتين ألف ميتين واحد وأربعين قدمًا مربعة. إذا كانت حدود هذا المنتزه متماثلة في الطول، فأوجد طول كل ضلع على حدة.

بما إنه حدود المنتزه متماثلة في الطول، يعني أقدر أقول إن المنتزه ده على شكل مربع. وبما إنه مساحة المربع تساوي طول الضلع في طول الضلع. يعني أقدر أقول إن طول الضلع هيساوي الجذر التربيعي للمساحة؛ يعني هيساوي الجذر التربيعي لتلتمية خمسة وتلاتين ألف ميتين واحد وأربعين.

عشان نجيب الجذر التربيعي للعدد ده فيه طريقتين.

الطريقة الأولى: باستخدام الآلة الحاسبة. ندوس على زرار الجذر التربيعي، وبعدين نكتب العدد تلتمية خمسة وتلاتين ألف ميتين واحد وأربعين، وندوس على علامة يساوي. هنحصل على خمسمية تسعة وسبعين. ولكن الجذر التربيعي بيكون موجب أو سالب، لكن بما إننا بنجيب طول الضلع فبالتالي إشارته هتكون موجبة. عشان كده الجذر التربيعي هيكون هيساوي موجب خمسمية تسعة وسبعين.

الطريقة التانية: تحليل العدد تلتمية خمسة وتلاتين ألف ميتين واحد وأربعين إلى عوامله الأولية. العدد تلتمية خمسة وتلاتين ألف ميتين واحد وأربعين يقبل القسمة على تلاتة؛ إذن هو عبارة عن حاصل ضرب تلاتة في عدد آخَر. هنقسم العدد ده على تلاتة، هنحصل على مية وحداشر ألف سبعمية سبعة وأربعين.

تلاتة عدد أولي، أمّا العدد مية وحداشر ألف سبعمية سبعة وأربعين هنحلّله. يقبل القسمة برضو على تلاتة؛ فهو عبارة عن حاصل ضرب تلاتة في سبعة وتلاتين ألف ميتين تسعة وأربعين. تلاتة عدد أولي، هنحلّل سبعة وتلاتين ألف ميتين تسعة وأربعين. هو عبارة عن حاصل ضرب … هو عبارة عن حاصل ضرب مية تلاتة وتسعين في مية تلاتة وتسعين.

وبكده أقدر أقول إنه العدد تلتمية خمسة وتلاتين ألف ميتين واحد وأربعين. هيساوي حاصل ضرب تلاتة في تلاتة، في مية تلاتة وتسعين، في مية تلاتة وتسعين.

يعني أقدر أقول إنه الجذر التربيعي لتلتمية خمسة وتلاتين ألف ميتين واحد وأربعين هتساوي حاصل ضرب تلاتة في مية تلاتة وتسعين. لأن كل عدد منهم اتكرّر مرتين. يعني هيساوي … حاصل ضرب تلاتة في مية تلاتة وتسعين هيساوي خمسمية تسعة وسبعين؛ نفس الناتج اللي حصلنا عليه.

وبكده أقدر أقول إنه … وبكده أقدر أقول إنه طول الضلع هيساوي خمسمية تسعة وسبعين قدم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.