فيديو: معرفة الفترة المناسبة لتكوين معكوس ظل الزاوية

أيٌّ من جدوَلَي القِيَم يوضح مجال دالة الظل الذي يمكن استخدامه لتكوين دالة عكسية لها؟

٠٢:٤٠

‏نسخة الفيديو النصية

أي من جدولي القيم يوضح مجال دالة الظل الذي يمكن استخدامه لتكوين دالة عكسية لها؟

الجدول أ فيه الـ س: بصفر، وَ 𝜋 على ستة، وَ 𝜋 عَ الأربعة، والـ 𝜋 على التلاتة، وتسعة 𝜋 على تسعتاشر، واتنين 𝜋 على تلاتة، والتلاتة 𝜋 عَ الأربعة، والخمسة 𝜋 على الستة، والـ 𝜋. وقيم الظل بتاعتهم هتبقى: الصفر، واحد على جذر تلاتة، والواحد، والجذر تلاتة، والاتناشر وواحد من عشرة، وسالب جذر تلاتة، وسالب واحد، وسالب واحد على جذر تلاتة، والصفر.

الجدول ب فيه الـ س: بسالب تسعة 𝜋 على تسعتاشر، وسالب 𝜋 على تلاتة، وسالب 𝜋 عَ الأربعة، وسالب 𝜋 على الستة، والصفر، والـ 𝜋 على الستة، والـ 𝜋 عَ الأربعة، والـ 𝜋 على تلاتة، وتسعة 𝜋 على التسعتاشر. دالة الظل قيمتها: سالب اتناشر وواحد من عشرة، سالب الجذر التربيعي للتلاتة، وسالب الواحد، وسالب واحد على الجذر تلاتة، والصفر، والواحد على الجذر تلاتة، والواحد، والجذر تلاتة، واتناشر وواحد من عشرة.

علشان يكون للدالة دالة عكسية، لازم يكون المجال ما فيهوش قيمتين لـ س بتودّي لقيمة واحدة في المدى؛ يعني الصفر قيمة الظل لها صفر، والـ 𝜋 على ستة واحد على جذر تلاتة؛ ما ينفعش يبقى الصفر لها قيمتين. يعني دالة الظل هنا هتبقى … المجال هيتقلب مدى، والمدى هيتقلب مجال؛ فبالتالي الدالة العكسية هيبقى فيها هنا الصفر والصفر، الاتنين بيودّوا لقيمتين مختلفتين؛ اللي هم مرة هتبقى الزاوية تساوي صفر، ومرة هتساوي 𝜋.

يبقى لازم المجال كل قيمة لها قيمة واحدة ووحيدة فقط، في دالة الظل؛ يعني كل واحدة لها قيمة واحدة، وواحدة فقط. يبقى ما ينفعش الجدول أ يبقى له دالة عكسية؛ لأن لمّا س هتساوي صفر بتدّي الظل بصفر؛ ولمّا س بتساوي 𝜋 برضو بتدّي الصفر. الجدول ب فيه الـ س قيمها مختلفة، والـ ظا س قيمها كمان مختلفة، ما فيش س لها قيمتين مختلفتين وبيدّوا نفس القيمة في دالة الظل؛ يبقى معنى كده إن الجدول ب هو اللي ينفع يبقى له دالة عكسية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.