فيديو: مقدار المتجه

ما مقدار المتجه ﺃﺏ؛ حيث ﺃ = (١١، ٣)، ﺏ = (٧، ٣)؟

٠٢:٠٢

‏نسخة الفيديو النصية

ما مقدار المتّجه أ ب حيث الـ أ بتساوي حداشر وتلاتة، والـ ب بتساوي سبعة وتلاتة؟

المتّجه أ ب بيساوي الـ ب ناقص الـ أ؛ حيث الـ ب ده متّجه الموضع والـ أ متّجه موضع، واللي هو ممكن نعبّر عنه بالصورة ب تساوي س اتنين وَ ص اتنين، والـ أ س واحد وَ ص واحد، وبيبقى هو نفسه قيمة الـ ب أو قيمة الـ أ؛ لأن بنحسب المسافة ما بين الـ أ والنقطة صفر وصفر، والـ ب والصفر وصفر؛ فبنوجد المتّجه ب بيبقى الـ س اتنين والـ ص اتنين؛ ففي المتّجه ب هيبقى قيمة الـ س اتنين تساوي سبعة، والـ ص اتنين هتساوي تلاتة، والمتّجه أ هيبقى الـ س واحد تساوي حداشر، والـ ص واحد هتساوي تلاتة، يبقى المتّجه أ ب هيساوي الـ ب ناقص الـ أ؛ يعني الـ س اتنين ناقص الـ س واحد، يبقى سبعة ناقص الحداشر، وبنعبّر عنها بصورة المتّجه … ده الإحداثي السيني، الإحداثي الصادي هيبقى ص اتنين ناقص ص واحد، يعني تلاتة ناقص تلاتة، يبقى هيساوي سبعة ناقص الحداشر، يبقى سالب أربعة، وتلاتة ناقص تلاتة قيمتها صفر، يبقى سالب أربعة وصفر، يبقى مقدار الـ أ ب هيساوي الجذر التربيعي للـ س اتنين ناقص س واحد الكل تربيع، اللي إحنا حسبنا قيمتها بسالب أربعة، يبقى سالب أربعة تربيع زائد الـ ص اتنين ناقص الـ ص واحد اللي إحنا حسبنا قيمتها بصفر، صفر تربيع يبقى هيساوي … الجذر التربيعي للستاشر تساوي أربعة، يبقى هو ده مقدار المتّجه أ ب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.