تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام العلاقة بين خطين مستقيمين لحل مسألة

أحمد خليل

إذا كان (٩، ١)، (−٨، ﻡ) متجهي اتجاه خطين مستقيمين متعامدين، فأوجد قيمة ﻡ.

٠١:٢١

‏نسخة الفيديو النصية

إذا كان تسعة وواحد، سالب تمنية وَ م، متجهَي اتجاه خطين مستقيمين متعامدين، فاوجد قيمة م.

لو عندنا متجه اتجاه لخط مستقيم، ومتجه الاتجاه ده هو أ وَ ب، يبقى ميل الخط المستقيم ده هيساوي ب على أ. يبقى ميل المستقيم الأول، اللي هو متجه اتجاهه تسعة وواحد؛ هيساوي ب على أ، يعني واحد على تسعة. أمّا المستقيم الثاني، اللي متجه اتجاهه سالب تمنية وَ م؛ ميله هيساوي ب على أ، يعني م على سالب تمنية.

لو عندنا مستقيمين متعامدين، حاصل ضرب ميلين الخطين المتعامدين دول هيساوي سالب واحد. يبقى حاصل ضرب الميلين، اللي هو واحد على تسعة، في م على سالب تمنية؛ ده بيساوي سالب واحد. واحد في م بيساوي م. هنضرب البسط في البسط، والمقام في المقام. وفي المقام تسعة في سالب تمنية، هيساوي سالب اتنين وسبعين. وده بيساوي سالب واحد. هنضرب الطرفين في سالب اتنين وسبعين. هيبقى م بتساوي سالب اتنين وسبعين في سالب واحد. وده بيساوي اتنين وسبعين. وبكده هتكون قيمة م هي اتنين وسبعين.