فيديو: تحديد أكبر وزن بعد التحويل بين الكيلوجرامات والجرامات

أكمل باستخدام< أو = أو >: ١٣ كجم _ ٩٠٠٠ جم.

٠٢:٠٦

‏نسخة الفيديو النصية

أكمل باستخدام أصغر من أو يساوي أو أكبر من: تلتاشر كيلوجرام نقط تسع آلاف جرام. وعايزين نحطّ مكان النقط دي علامة من التلات علامات دول.

فإحنا عندنا وحدة الكيلوجرام ووحدة الجرام، هم وحدات مترية بنستخدمها علشان نقيس كتلة أو وزن أيّ حاجة. ووحدة الكيلوجرام، واللي بنرمز لها بالرمز كجم، هي وحدة بنقيس بيها الأوزان الكبيرة. أمّا وحدة الجرام، واللي بيرمز لها بالرمز جم، بنقيس بيها الأوزان الأصغر. ولأن وحدة الكيلوجرام هي الأكبر، فبتكون العلاقة بينهم إن الواحد كيلوجرام بيساوي ألف جرام. معنى كده إنه أيّ قيمة بالكيلوجرام بنضربها في العدد ألف، علشان تكون هي هي نفس القيمة، بس بوحدة الجرام.

أمّا في السؤال بتاعنا، علشان نقدر نقارن بين القيمتين: تلتاشر كيلوجرام، وتسعة آلاف جرام، لازم نخلّي الوحدتين زيّ بعض. فهنحول مثلًا من الكيلوجرام، للجرام. فهنضرب التلتاشر كيلوجرام في العدد ألف. هننزّل تلات أصفار على اليمين، ونضرب العدد تلتاشر في العدد واحد، واللي بيساوي تلتاشر.

وبكده التلتاشر كيلوجرام بيساوي تلتاشر ألف جرام. فنقدر نكتب دلوقتي بدل التلتاشر كيلوجرام نكتب تلتاشر ألف جرام. ونقدر نقارنها دلوقتي بالقيمة تسع آلاف جرام؛ لأنهم نفس الوحدة، اللي هي الجرام. فهنلاقي إن العدد تلتاشر ألف أكبر من العدد تسع آلاف. وبالتالي هيكون العلامة المناسبة هي أكبر من. فهتكون الإجابة تلتاشر كيلوجرام أكبر من تسع آلاف جرام.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.