فيديو السؤال: تمدُّد الأشكال من نقطة ما بمعامل موجب

نسخة الفيديو النصية

مُدّ المثلث أ ب ج من نقطة الأصل بمعامل قياس مقداره اثنان. وحدّد إحداثيات الصورة.

بما إن معامل قياس التمدّد بيساوي اتنين، والتمدّد من نقطة الأصل. فده معناه إننا هنضرب كل إحداثي من إحداثيات النقط في اتنين، سواءً كان إحداثي سيني أو إحداثي صادي.

فأول حاجة نشوف إحداثيات رؤوس المثلث. النقطة أ إحداثياتها هي سالب اتنين، وصفر. والنقطة ب إحداثياتها واحد واتنين. والنقطة ج إحداثياتها واحد وسالب تلاتة. وبالتالي إحداثيات النقطة أ بعد التمدّد، أو النقطة أ شرطة، هي سالب اتنين في اتنين. هيساوي سالب أربعة وصفر. في اتنين هيساوي صفر. وإحداثيات النقطة ب بعد التمدّد، أو ب شرطة، هتبقى واحد في اتنين بيساوي اتنين. واتنين في اتنين هيساوي أربعة. وإحداثيات النقطة ج بعد التمدّد، أو النقطة ج شرطة، هتبقى واحد في اتنين هيساوي اتنين. وسالب تلاتة في اتنين هيساوي سالب ستة.

تبقى إحداثيات صورة المثلث بعد التمدّد هي: سالب أربعة وصفر، اتنين وأربعة، اتنين وسالب ستة.