فيديو: امتحان الفزياء للعام السابق • ٢٠١٨/٢٠١٧ • السؤال الثالث والأربعون أ

امتحان الفزياء للعام السابق • ٢٠١٨/٢٠١٧ • السؤال الثالث والأربعون أ

٠٢:٢٣

‏نسخة الفيديو النصية

في الدائرة الموضَّحة، عندما تزداد المقاومة المتغيّرة، تزداد قراءة الفولتميتر 𝑉 واحد، وتقلّ قراءة الفولتميتر 𝑉 اتنين. اشرح سبب ذلك. والدايرة فيها بطارية قوتها الدافعة الكهربية 𝑉𝐵، ومقاومتها الداخلية 𝑟. متوصّلة على التوالي مع مقاومة متغيّرة 𝑆، ومقاومة ثابتة 𝑅. والدايرة فيها فولتميتر 𝑉 واحد، بيقرا فرق الجهد اللي على البطارية. وفولتميتر 𝑉 اتنين بيقرا فرق الجهد اللي على المقاومة الثابتة. والمطلوب نعرف ليه لمّا المقاومة المتغيّرة 𝑆 بتزيد، قراءة الفولتميتر 𝑉 واحد بتزيد، وقراءة الفولتميتر 𝑉 اتنين بتقلّ.

فطبقًا لقانون أوم، فرق الجهد اللي على مقاومة، بيساوي التيار اللي ماشي في المقاومة في قيمة المقاومة. فلو طبّقنا قانون أوم على الدايرة، هنلاقي إن القوة الدافعة الكهربية للبطارية، بتساوي التيار الكلي اللي ماشي في الدايرة، مضروب في المقاومة المكافئة للدايرة. وبما إن المقاومات كلها متوصّلة على التوالي، فالمقاومة المكافئة للدايرة بتساوي المقاومة الثابتة زائد المقاومة المتغيّرة زائد المقاومة الداخلية للبطارية.

وبما إن الطرف الشمال، اللي هو القوة الدافعة الكهربية للبطارية، قيمة ثابتة. فالمفروض الطرف اليمين برضو يفضل قيمة ثابتة. فلمّا نزوّد قيمة المقاومة المتغيّرة 𝑆، هنلاقي إن التيار الكلي بيقلّ. بحيث إنه يحافظ على الطرف اليمين قيمة ثابتة. ولمّا نبصّ على الفولتميتر 𝑉 واحد، هنلاقيه بيساوي القوة الدافعة الكهربية للبطارية، ناقص التيار في المقاومة الداخلية للبطارية. وده لأن المقاومة الداخلية للبطارية بتقلّل فرق الجهد اللي على طرفين البطارية. وده السبب اللي خلّانا نطرح القيمة 𝐼 في 𝑟، من 𝑉𝐵.

ولمّا نبصّ على الفولتميتر 𝑉 اتنين، هنلاقيه بيقيس فرق الجهد اللي على المقاومة الثابتة 𝑅. يعني 𝑉 اتنين بيساوي 𝐼 في 𝑅. وبما إننا قلنا في الأول إن لمّا قيمة 𝑆 بتزيد، قيمة 𝐼 بتقلّ. فلمّا نبصّ على قراءة 𝑉 واحد، هنلاقيها بتساوي قيمة ثابتة اللي هي 𝑉𝐵، ناقص قيمة بتقلّ اللي هي 𝐼 في 𝑟. فلمّا 𝐼 بتقلّ، الـ 𝑉 واحد هتزيد. ولمّا نبصّ لـ 𝑉 اتنين، هنلاقيها بتساوي 𝐼 في 𝑅. يعني لمّا قيمة 𝐼 هتقلّ، قيمة 𝑉 اتنين هتقلّ. فكده ممكن نقول إن السبب إن 𝑉 واحد بتزيد وَ 𝑉 اتنين بتقلّ، إنه زيادة المقاومة المتغيّرة 𝑆 تقلّل شدّة التيار الكلي. فتقلّ قيمة 𝐼𝑟، وتزداد قيمة 𝑉 واحد. ويقلّ فرق الجهد بين طرفَي المقاومة 𝑉 اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.