فيديو: إيجاد المساحة الكلية لمتوازي مستطيلات في السياقات الحياتية

طول حرف مكعب من الثلج ١٩ سنتيمترًا. قُطع المكعب أفقيًّا من منتصفه إلى منشورين مستطيلين صغيرين. أوجد مساحة سطح أحد المنشورين.

٠٢:٥٢

‏نسخة الفيديو النصية

طول حرف مكعب من الثلج تسعة عشر سنتيمترًا، قُطع المكعب أفقيًّا من منتصفه إلى منشورين مستطيلين صغيرين. أوجد مساحة سطح أحد المنشورين.

بعد قطع المكعب أفقيًّا من منتصفه هتبقى أبعاده هي تسعتاشر سنتيمتر وتسعتاشر سنتيمتر، باعتبار إن الطول والعرض هيساووا طول حرف المكعب، أما بالنسبة للارتفاع فهيساوي تسعة وخمسة من عشرة سنتيمتر؛ وده لأن الارتفاع هيساوي تسعتاشر اللي هو طول حرف المكعب على اتنين؛ وده لأن المكعب قُطع من منتصفه، يعني هيساوي تسعة وخمسة من عشرة سنتيمتر.

قانون مساحة سطح المنشور المستطيل هيساوي مجموع مساحات الأوجه، اللي هتساوي اتنين في: الطول في العرض، زائد العرض في الارتفاع، زائد الارتفاع في الطول.

فهنعوّض عن الطول بتسعتاشر وعن العرض بتسعتاشر وعن الارتفاع بتسعة وخمسة من عشرة؛ يبقى ده هيساوي: اتنين في، الطول تسعتاشر في العرض تسعتاشر، زائد العرض تسعتاشر في الارتفاع تسعة وخمسة من عشرة، زائد الارتفاع تسعة وخمسة من عشرة في الطول تسعتاشر.

فأول حاجة حسب ترتيب العمليات هنجري العمليات اللي داخل الأقواس، فهنلاقي إن داخل الأقواس في عمليات ضرب وعمليات جمع، فحسب ترتيب العمليات هنبدأ بعمليات الضرب، فهنحلها من اليمين إلى اليسار، يبقى ده هيساوي: اتنين في … تسعتاشر في تسعتاشر هيساوي تلتمية واحد وستين، زائد تسعتاشر في تسعة وخمسة من عشرة هيساوي مية وتمانين وخمسة من عشرة، زائد تسعة وخمسة من عشرة في تسعتاشر برضو هيساوي مية وتمانين وخمسة من عشرة. بعدين هنسنخدم خاصية الدمج فهنجمع آخر عددين وهنجمع مجموعهم مع العدد الأول؛ يبقى ده هيساوي: اتنين في، تلتمية واحد وستين، زائد … مية وتمانين وخمسة من عشرة زائد مية وتمانين وخمسة من عشرة هيساوي تلتمية واحد وستين؛ يبقى ده هيساوي اتنين في، تلتمية واحد وستين زائد تلتمية واحد وستين، هيساوي سبعمية اتنين وعشرين، واتنين في سبعمية اتنين وعشرين هيساوي ألف ربعمية أربعة وأربعين سنتيمتر مربع، وهي دي مساحة سطح المنشور المستطيل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.