فيديو: طرح عدد من رقمين من عدد من رقمين

يوضح الفيديو طريقة طرح عددين كلٍّ منهما مكوَّن من رقمين.

٠٣:٤٥

‏نسخة الفيديو النصية

هنتكلم عن طرح عدد مكوَّن من رقمين، من عدد مكوَّن من رقمين. هنتعلم إزاي نطرح عدد مكوَّن من رقمين، من عدد آخر مكوَّن من رقمين.

هبتدي الشرح بالمثال التالي: أوجد ناتج طرح أربعة وسبعين ناقص واحد وخمسين.

الخطوة الأولى: همثّل العدد الأولاني أربعة وسبعين بالنماذج. العدد الأولاني أربعة وسبعين يعني أربع آحاد وسبع عشرات، زي ما موضح قدامي. الخطوة التانية: هطرح الآحاد. أربع آحاد ناقص واحد آحاد؛ يعني هشطب على واحد في خانة الآحاد. هيتبقى عندي تلات آحاد. الخطوة التالتة: هنطرح العشرات. سبع عشرات ناقص خمس عشرات؛ يعني هشطب على خمس عشرات. هيتبقى عندي اتنين عشرات. وبكده أقدر أقول إنه أربعة وسبعين ناقص واحد وخمسين هيساوي تلاتة وعشرين.

هنكمل في الصفحة اللي جاية، وناخد مثال.

رقم واحد: تمنية وعشرين ناقص خمستاشر.

في البداية الخطوة الأولى: هرسم نموذج للعدد الأولاني تمنية وعشرين زي ما هو موضح قدامي. وبعدين الخطوة التانية: هطرح الآحاد. تمن آحاد ناقص خمس آحاد؛ يعني هشطب على خمس آحاد. هيتبقى عندي تلات آحاد. والخطوة التالتة: هطرح العشرات. اتنين عشرات ناقص واحد عشرات. هيتبقى عندي واحد عشرات. وبكده أقدر أقول إن تمنية وعشرين ناقص خمستاشر هيساوي تلتاشر.

سؤال رقم اتنين: أربعة وتلاتين ناقص أربعتاشر.

الخطوة الأولى: هرسم نموذج للعدد الأولاني أربعة وتلاتين. أربعة في خانة الآحاد، وتلاتة في خانة العشرات. وبعدين هطرح الآحاد أربع آحاد ناقص أربع آحاد؛ يعني هشطب على أربع آحاد. هيتبقى عندي صفر في خانة الآحاد. وبعدين هطرح العشرات. تلات عشرات ناقص واحد عشرات؛ يعني هشطب على واحد من خانة العشرات. هيتبقى عندي اتنين عشرات. وبكده أقدر أقول إنه أربعة وتلاتين ناقص أربعتاشر هيساوي عشرين.

هنكمل في الصفحة اللي جاية وناخد تدريبات.

استعمل النماذج لإيجاد ناتج الطرح: رقم واحد: تمنية وخمسين ناقص تلتاشر.

في البداية الخطوة الأولى: هرسم نموذج للعدد الأولاني تمنية وخمسين. تمنية في خانة الآحاد، وخمسة في خانة العشرات. هبتدي بطرح الآحاد. تمن آحاد ناقص تلات آحاد؛ يعني هشطب على تلات آحاد. هيتبقى عندي خمس آحاد. وبعدين هطرح العشرات. خمس عشرات ناقص واحد عشرات؛ يعني هشطب على واحدة من العشرات. هيتبقى عندي أربع عشرات. وبكده أقدر أقول إنه تمنية وخمسين ناقص تلتاشر هيساوي خمسة وأربعين.

سؤال رقم اتنين: سبعة وأربعين نافص تلاتة وعشرين.

الخطوة الأولى: هرسم نموذج للعدد الأولاني سبعة وأربعين. الخطوة التانية هطرح الآحاد. سبع آحاد ناقص تلات آحاد؛ يعني هشطب على تلاتة في خانة الآحاد. هيتبقى عندي أربعة. وبعدين هطرح العشرات. أربع عشرات ناقص اتنين عشرات؛ يعني هشطب على اتنين من خانة العشرات هيتبقى اتنين. وبكده أقدر أقول إنه سبعة وأربعين ناقص تلاتة وعشرين هيساوي أربعة وعشرين.

وبكده هنكون اتعلمنا إزاي نطرح عدد مكوَّن من رقمين، من عدد مكون من رقمين، باستعمال النماذج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.