فيديو: كتابة المقادير وحلها للمسائل الكلامية التي تتطلَّب جمع ثلاثة أعداد صحيحة

يرتدي ١٨ طالبًا قمصانًا ملوَّنة لممارسة إحدى اللعبات. يوجد ٧ قمصان حمراء، وبعض القمصان الخضراء، و٥ قمصان زرقاء. أوجد جملة الجمع التي تطابق القصة. كم قميصًا أخضر موجودًا؟

٠٣:١٨

‏نسخة الفيديو النصية

يرتدي تمنتاشر طالبًا قمصانًا ملوّنة، لممارسة إحدى اللعبات. يوجد سبع قمصان حمراء، وبعض القمصان الخضراء، وخمس قمصان زرقاء. أوجد جملة الجمع التي تطابِق القصة. اختيار أ، أو اختيار ب، أو اختيار ج. كم قميصًا أخضر موجودًا؟

السؤال بيقول لنا إننا عندنا تمنتاشر طالب، بيلبسوا تيشرتات ليها ألوان معينة علشان يمارسوا لعبة معينة. عندنا سبعة منهم بيلبسوا تيشرتات لونها أحمر. وشوية أو عدد معيّن إحنا مش عارفينه، بيلبسوا تيشرتات لونها أخضر. وخمسة بيلبسوا تيشرتات لونها أزرق. وعاوزين نعرف أيّ صورة، من التلات صور اللي قدامنا دول، هي اللي بتوضّح القصة اللي إحنا حكيناها.

لو جينا نبصّ على أول صورة، هنلاقي عندنا خمس تيشرتات لونهم أحمر. وعدد ما نعرفوش، علامة استفهام، من التيشرتات اللي لونها أخضر. وسبع تيشرتات لونهم أزرق. والمجموع الكلي تمنتاشر. طيب هو الكلام ده صح ولا غلط؟ إحنا عندنا آه المجموع الكلي تمنتاشر. بس عندنا سبع تشيرتات أحمر، وخمسة أزرق. السؤال هنا أو الاختيار ده عندنا، هو عاكس؛ مدّينا خمسة أحمر وسبعة أزرق. فده معناه إن الاختيار ده مش صح.

طيب نشوف الاختيار اللي بعده. عندنا سبع تيشرتات أحمر. وعدد ما نعرفهوش أخضر. وسبع تيشرتات أزرق. وعددهم كلهم تمنتاشر. إحنا عندنا سبعة أحمر صح، بس خمسة أزرق مش سبعة. فده معناه إن الاختيار ده مش صح.

نيجي لتالت اختيار والأخير. عندنا فيه سبع تشيرتات أحمر. وعدد ما نعرفهوش أخضر. وخمسة أزرق. وعددهم كلهم تمنتاشر. هنلاقي إن الصورة دي فعلًا بتُطابِق الكلام اللي إحنا قلناه في السؤال. فبالتالي هي دي الصورة اللي بتُطابِق القصة. وتبقى هي دي الإجابة الصح.

نيجي لتاني جزء من السؤال: كم قميصًا أخضر موجودًا؟ إحنا كده عرفنا إن دي هي جملة الجمع الصح من الصورة. سبعة زائد علامة استفهام زائد خمسة تساوي تمنتاشر. عاوزين نعرف بقى، علامة الاستفهام دي هتساوي إيه.

إحنا عندنا سبعة زائد خمسة بتساوي اتناشر. يبقى اتناشر مجموع عليها علامة الاستفهام، بتساوي تمنتاشر. فنعدّ بعد الاتناشر، لحدّ ما نوصل للتمنتاشر. فنقول بعد الاتناشر: تلتاشر، أربعتاشر، خمستاشر، ستاشر، سبعتاشر، تمنتاشر. عدّينا كم علامة؟ تعالوا نشوف.

واحد، اتنين، تلاتة، أربعة، خمسة، ستة. فده معناه إننا ممكن نشيل علامة الاستفهام، ونحطّ مكانها ستة. وهي دي أصلًا عدد القمصان الخضراء. فتبقى الإجابة ستة، هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.