فيديو: إيجاد قِيَم المقادير الجبرية التي تحتوي على أعداد عشرية

احسب ١٨٫٩٧أ، إذا كانت أ = ٤٨.

٠٣:٢٨

‏نسخة الفيديو النصية

احسب: ثمانية عشر وسبعةٌ وتسعون من مائة أ، إذا كانت أ تساوي ثمانيةً وأربعين.

إذا كانت قيمة أ بتساوي تمنية وأربعين، فعشان نعرف قيمة المقدار تمنتاشر وسبعة وتسعين من مية أ، هنعوّض عن أ بقيمتها في المقدار. يبقى تمنتاشر وسبعة وتسعين من مية أ، هتساوي تمنتاشر وسبعة وتسعين من مية في تمنية وأربعين. فهنضرب بشكل رأسي بدون العلامات العشرية، ونحدّد موقع العلامة العشرية في الناتج حسب موقعها في الأعداد المضروبة. فهنضرب ألف وتمنمية وسبعة وتسعين في تمنية وأربعين.

أول حاجة نضرب تمنية في سبعة، فتمنية في سبعة هتساوي ستة وخمسين. فنكتب ستة في الناتج، ونكتب خمسة فوق القيمة المكانية اللي بعد كده. بعدين نضرب تمنية في تسعة هيساوي اتنين وسبعين، ونجمع عليها الخمسة هيساوي سبعة وسبعين. فنكتب سبعة في الناتج، ونكتب سبعة فوق القيمة المكانية اللي بعد كده. بعدين نضرب تمنية في تمنية هيساوي أربعة وستين، ونجمع عليها السبعة، فده هيساوي واحد وسبعين. فهنكتب واحد في الناتج، ونكتب سبعة فوق القيمة المكانية اللي بعد كده. بعدين نضرب تمنية في واحد هيساوي تمنية، ونجمع عليها السبعة هيساوي خمستاشر. وبما إن ما فيش أيّ أرقام بعد كده، فهنكتب خمستاشر في الناتج.

بعدين نكرّر الضرب مع الرقم أربعة. وبما إن أربعة القيمة المكانية ليها هي العشرات، فهنزوّد صفر في أقصى اليمين، وبعد كده نضرب بشكل طبيعي. فنضرب أربعة في سبعة فالناتج هيبقى تمنية وعشرين. فهنكتب تمنية في الناتج، ونزوّد اتنين فوق القيمة المكانية اللي بعد كده. بعد كده نضرب أربعة في تسعة ده هيساوي ستة وتلاتين، ونجمع عليها الاتنين هيساوي تمنية وتلاتين. فنكتب تمنية في الناتج، ونكتب تلاتة فوق القيمة المكانية اللي بعد كده. بعدين نضرب أربعة في تمنية هيساوي اتنين وتلاتين، ونضيف ليها التلاتة هيساوي خمسة وتلاتين. فنكتب خمسة في الناتج، ونضيف تلاتة فوق القيمة المكانية اللي بعد كده. بعد كده نضرب أربعة في واحد هيساوي أربعة، ونضيف ليها تلاتة هيساوي سبعة. فنكتب سبعة في الناتج، بعدين نجمع العددين.

ستة زائد صفر هيساوي ستة. سبعة زائد تمنية هيساوي خمستاشر. فنكتب خمسة في الناتج، ونضيف واحد للقيمة المكانية اللي بعد كده. واحد زائد واحد زائد تمنية هيساوي عشرة. فهنكتب صفر في الناتج، ونضيف واحد للقيمة المكانية اللي بعد كده. واحد زائد خمسة زائد خمسة هيساوي حداشر. فهنكتب واحد في الناتج، ونضيف واحد للقيمة المكانية اللي بعد كده. واحد زائد واحد زائد سبعة هيساوي تسعة. يبقى حاصل ضرب ألف وتمنمية وسبعة وتسعين في تمنية وأربعين، هو واحد وتسعين ألف وستة وخمسين.

بعد كده هنشوف الأرقام اللي على يمين العلامة العشرية في العددين الأصليين. فهنلاقي في العدد الأول فيه رقمين على يمين العلامة العشرية، وفي العدد التاني ما فيش علامات عشرية. يبقى هنحطّ العلامة العشرية في الناتج بعد رقمين من اليمين إلى اليسار، بالشكل ده.

يبقى تمنتاشر وسبعة وتسعين من مية في تمنية وأربعين، هيساوي تسعمية وعشرة وستة وخمسين من مية. ودي قيمة المقدار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.