فيديو: تحديد مجموعة البيانات باستخدام الوسيط والمدى والمنوال

أيٌّ من مجموعات البيانات التالية له قيمة الوسيط ٤٥، والمدى ٥٧، والمنوال ٤٥؟ [أ] ٢٦، ٦٧، ٢٠، ٢٠، ٢٠، ٤٥ [ب] ٢٦، ٦٧، ٢٠، ٤٥، ٤٤، ٧٧ [ج] ٦٧، ٤٥، ٢٦، ٧٧، ٢٠، ٤٥ [د] ٢٦، ٢٦، ٤٥، ٧٧، ٢٠، ٧٦ [ﻫ] ٢٥، ٦٧، ١٩، ٤٥، ٤٥، ٧٧

٠٦:٠٦

‏نسخة الفيديو النصية

أيٌّ من مجموعات البيانات التالية له قيمة الوسيط خمسة وأربعون، والمدى سبعة وخمسون، والمنوال خمسة وأربعون؟ أ: ستة وعشرون، سبعة وستون، عشرون، عشرون، عشرون، خمسة وأربعون. ب: ستة وعشرون، سبعة وستون، عشرون، خمسة وأربعون، أربعة وأربعون، سبعة وسبعون. ج: سبعة وستون، خمسة وأربعون، ستة وعشرون، سبعة وسبعون، عشرون، خمسة وأربعون. د: ستة وعشرون، ستة وعشرون، خمسة وأربعون، سبعة وسبعون، عشرون، ستة وسبعون. هـ: خمسة وعشرون، سبعة وستون، تسعة عشر، خمسة وأربعون، خمسة وأربعون، سبعة وسبعون.

عشان نعرف أي مجموعة من المجموعات دي ليها القيم دي، هنحسب في الأول الوسيط للمجموعات دي كلها، ونستثني المجموعة اللي قيمة الوسيط فيها مبتساويش خمسة وأربعين.

الوسيط هو القيمة المتوسطة في الترتيب لمجموعة من القيم بعد ترتيب القيم دي ترتيبًا تصاعديًّا. فبالنسبة للمجموعة الأولى هنرتب الأعداد ترتيبًا تصاعديًّا. فالترتيب هيبقى؛ عشرين، عشرين، عشرين، ستة وعشرين، خمسة وأربعين، سبعة وستين. فبما إن عدد العناصر زوجي، فهيبقى الوسيط هو الوسط الحسابي للقيمتين اللي في المنتصف، اللي هي القيمة التالتة والرابعة. فالوسيط هيساوي عشرين زائد ستة وعشرين، على اتنين، اللي هيساوي ستة وأربعين على اتنين. يعني هيساوي تلاتة وعشرين. وتلاتة وعشرين ما بتساويش خمسة وأربعين. فبالتالي ممكن نستثني الإجابة أ.

بالنسبة للإجابة ب هنرتب العناصر تصاعديًّا. فالترتيب هيبقى؛ عشرين، ستة وعشرين، أربعة وأربعين، خمسة وأربعين، سبعة وستين، سبعة وسبعين. فالوسيط هيبقى الوسط الحسابي للقيمتين أربعة وأربعين وخمسة وأربعين. فهيساوي أربعة وأربعين زائد خمسة وأربعين، على اتنين، يعني هيساوي تسعة وتمانين على اتنين، يعني هيساوي أربعة وأربعين وخمسة من عشرة. وبرضو أربعة وأربعين وخمسة من عشرة ما بتساويش خمسة وأربعين. وبالتالي ممكن نستثني الإجابة ب.

الإجابة ج هيبقى ترتيب الأعداد هو عشرين، ستة وعشرين، خمسة وأربعين، خمسة وأربعين، سبعة وستين، سبعة وسبعين. فهيبقى الوسيط بيساوي المتوسط الحسابي لخمسة وأربعين زائد خمسة وأربعين. يعني خمسة وأربعين زائد خمسة وأربعين، على اتنين، وده هيساوي تسعين على اتنين، يعني هيساوي خمسة وأربعين، وده بيساوي قيمة الوسيط المعطاة. وبالتالي مش هنستبعد المجموعة دي.

بالنسبة للمجموعة الرابعة هيبقى ترتيب الأعداد هو عشرين، ستة وعشرين، ستة وعشرين، خمسة وأربعين، ستة وسبعين، سبعة وسبعين. وبالتالي الوسيط هيكون الوسط الحسابي لستة وعشرين وخمسة وأربعين. يعني الوسيط هيساوي ستة وعشرين زائد خمسة وأربعين، على اتنين، اللي هيساوي واحد وسبعين على اتنين، يعني هيساوي خمسة وتلاتين وخمسة من عشرة. وده ما بيساويش خمسة وأربعين. وبالتالي ممكن نستبعد الإجابة الرابعة.

بالنسبة للإجابة الخامسة هيبقي ترتيب الأعداد تصاعديًّا هو تسعتاشر، خمسة وعشرين، خمسة وأربعين، خمسة وأربعين، سبعة وستين، سبعة وسبعين. وبالتالي هيبقى الوسيط هو الوسط الحسابي لخمسة وأربعين وخمسة وأربعين. يعني هيساوي خمسة وأربعين زائد خمسة وأربعين، على اتنين، اللي هيساوي تسعين على اتنين، يعني هيساوي خمسة وأربعين. وده بيساوي قيمة الوسيط المعطاة. وبالتالي مش هنستبعد الإجابة دي.

كده بقى قدامنا مجموعتين من الأعداد غير مستبعدين. فبالنظر للأعداد المكوِّنة للمجموعتين، هنلاقي إن المنوال للمجموعتين هو خمسة وأربعين. فبالشكل ده محتاجين نحسب المدى للمجموعتين. المدى هو الفرق بين أكبر قيمة وأصغر قيمة في المجموعة. فهيبقى المدى في المجموعة ج بيساوي أكبر قيمة اللي هي سبعة وسبعين، ناقص أصغر قيمة اللي هي عشرين. وسبعة وسبعين ناقص عشرين هيساوي سبعة وخمسين. وبالنسبة للمجموعة هـ المدى هيساوي أكبر قيمة اللي سبعة وسبعين، ناقص أصغر قيمة اللي هي تسعتاشر. وسبعة وسبعين ناقص تسعتاشر هيساوي تمنية وخمسين. فبالنظر للمدى في المجموعتين، نقدر نستبعد الإجابة هـ. وبالتالي تبقى الإجابة الصحيحة هي الإجابة ج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.