فيديو: إيجاد قِيَم المقادير التي تحتوي على أعداد صحيحة وقِيَم مطلقة

احسب −|−٩| × −|−٥| = _.

٠١:٢٢

‏نسخة الفيديو النصية

احسب سالب القيمة المطلقة لسالب تسعة في سالب القيمة المطلقة لسالب خمسة يساوي، نقط. يعني معطى عندنا المقدار ده وعايزين نحسب قيمته.

فهنلاحظ إن عندنا هنا القيمة المطلقة لسالب تسعة، والقيمة المطلقة لسالب خمسة. وفي الأول خلينا نفتكر إن القيمة المطلقة لعدد ما، هي المسافة بين العدد والصفر على خط الأعداد. يعني هتبقى قيمة العدد بغضّ النظر عن إشارته. فمعنى كده إن المقدار عندنا هيبقى بيساوي … سالب القيمة المطلقة لسالب تسعة، وزي ما قلنا إن القيمة المطلقة لسالب تسعة هي قيمة العدد بغض النظر عن إشارته. فمعنى كده إن القيمة المطلقة لسالب تسعة، هتبقى بتساوي تسعة. فبالتالي هيبقى المقدار هو سالب تسعة، في سالب القيمة المطلقة لسالب خمسة. وبنفس الطريقة هتبقى القيمة المطلقة لسالب خمسة بتساوي خمسة. فبالتالي هيبقى المقدار عندنا هو سالب تسعة في سالب خمسة. يعني هنضرب عدد سالب في عدد سالب. وخلينا نفتكر إن سالب في سالب بموجب. فبالتالي هنضرب تسعة فخمسة واللي هتساوي خمسة وأربعين. وهتبقى الإشارة موجبة؛ لأن زي ما قلنا إن سالب في سالب بموجب. فبالتالي هتبقى قيمة المقدار هي خمسة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.