فيديو: امتحان الفزياء للعام السابق • ٢٠١٨/٢٠١٧ • السؤال الحادي عشر ب

امتحان الفزياء للعام السابق • ٢٠١٨/٢٠١٧ • السؤال الحادي عشر ب

٠٢:٤٥

‏نسخة الفيديو النصية

ملف ابتدائي متصل بمصدر جهد مستمر، وموضوع داخل ملف ثانوي. عند فتح دائرة الملف الابتدائي، يكون التيار في الملف الثانوي … أ: تيارًا مستحثًّا طرديًّا. ب: تيارًا مستحثًّا عكسيًّا. ج: تيارًا مترددًا. د: تيارًا مستمرًّا.

ففيه ملف ابتدائي، متصل بمصدر جهد مستمر، وموضوع بداخل ملف ثانوي. فلو دائرة الملف الابتدائي اتفتحت، مطلوب منّنا نعرف نوع التيار اللي هيُستحث في الملف الثانوي. فإحنا ممكن نوصل لحل المسألة بطريقتين؟ أول طريقة: هنبصّ للدايرة لمّا كانت مقفولة، فهنلاقي إن التيار كان ماشي فيها في الاتجاه ده. وده معناه إن قبل فتح الدايرة، كان المجال المغناطيسي في الملف الابتدائي بيشاور لتحت.

وبما إن فرق الجهد كان مستمر، فده معناه إن المجال المغناطيسي ده كان ثابت، طول الفترة اللي كان مصدر الجهد متصل بيه. ولمّا الدايرة اتفتحت، التيار اللي في الملف الابتدائي هيبدأ يقل بالتدريج. وبالتالي المجال المغناطيسي اللي بيشاور لتحت، هيقل معاه بالتدريج. وده معناه إن فيه مجال مغناطيسي متغيّر في قلب الملف الثانوي. وبالتالي هيُستحث فيه تيار يعاكس التغير اللي بيحصل في قلبه. وده معناه إن المجال المغناطيسي اللي خارج نتيجة التيار المستحث في الملف الثانوى، المفروض هيكون يشاور لتحت برضو. فده هيخلّي التيار المستحث في الملف الثانوي يبقى بيدور في نفس اتجاه دوران التيار اللي في الملف الابتدائي. وده معناه إن التيار المستحث هيبقى طردي.

وبالنسبة للطريقه التانية، فهنبدأ بإننا نشوف اتجاه التيار لمّا كان المصدر متصل، ولمّا الدايرة بتتفتح، بيبدأ التيار اللي موجود في الملف يقل بالتدريج. وده معناه إن فيه معدل تغيُّر في التيار، اتجاهه عكس اتجاه التيار الأصلي. والتيار المتغيّر ده هيكوّن مجال مغناطيسي متغيّر في قلب الملف الابتدائي. وبالتالي الملف الثانوي هيبقى عايز يعاكس التغير اللي بيحصل في قلبه. وده بيبقى نتيجة المجال المغناطيسي المتغيّر، نتيجة تغيُّر التيار. وده معناه إن المجال المغناطيسي نتيجة التيار المستحث في الملف الثانوي، هيبقى عكس المجال المتغيّر. وده معناه إن الملف الثانوي هيبقى اتجاه التيار بتاعه في نفس اتجاه التيار في الملف الابتدائي. وده برضو هيوصّلنا لنفس النتيجة؛ إن التيار المستحث طردي.

وناخذ منه إن التيار ما ينفعش يبقى متردد؛ لأن التيار المتردّد بيبقى على شكل موجه sin، وبيبقى عمال يقل ويزيد. بينما التيار المستحث في الحالة بتاعتنا، هيبقى عَمّال يقل بس. وده نفس السبب اللي خلّانا ما نختارش إن التيار هيبقى مستمر؛ لأن التيار هيبقى في حالة نقصان دائمة. وبكده نبقى عرفنا طريقتين نعرف بيهم اتجاه التيار المستحث في الملف الثانوي، بناءً على التغير في التيار اللي حصل في الملف الابتدائي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.