تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل معادلات ذات مجهول في المقام

أحمد لطفي

حُلَّ ١٢٥/(ﺱ + ٣) = ٥.

٠١:٣٢

‏نسخة الفيديو النصية

حِل: مية خمسة وعشرين مقسوم على س زائد تلاتة بيساوي خمسة.

أول خطوة عشان نقدر نوجد الحل، هنضرب الطرفين في س زائد تلاتة. يعني هيكون عندنا الطرف الأيمن مية خمسة وعشرين هيساوي الطرف الأيسر خمسة مضروب في س زائد تلاتة. يعني هيكون عندنا الطرف الأيمن مية خمسة وعشرين زي ما هي، هيساوي … بالنسبة للطرف الأيسر هنضرب خمسة في س وخمسة في تلاتة. فهيكون عندنا خمسة في س هي خمسة س زائد خمسة في تلاتة خمستاشر. وعشان نوجد قيمة س، هنطرح خمستاشر من الطرفين. يعني هيكون عندنا الطرف الأيمن مية خمسة وعشرين ناقص خمستاشر، هيساوي الطرف الأيسر خمسة س. يعني الطرف الأيمن هيكون بيساوي مية وعشرة هيساوي خمسة س.

عشان نوجد قيمة س، هنقسم الطرفين على خمسة. يعني هيكون عندنا الطرف الأيمن مية وعشرة، على خمسة، هيساوي س. مية وعشرة، على خمسة، هيساوي اتنين وعشرين. يبقى اتنين وعشرين هيساوي س. ويبقى كده قدرنا نوجد حل مية خمسة وعشرين مقسومة على س زائد تلاتة الكل بيساوي خمسة، وكان عبارة عن س بتساوي اتنين وعشرين.