فيديو: إيجاد محيط دائرة بمعلومية نصف قطرها

أوجد محيط الدائرة، إذا كان 𝜋 = ٣٫١٤.

٠١:١٧

‏نسخة الفيديو النصية

أوجد محيط الدائرة إذا كان 𝜋 يساوي تلاتة وأربعتاشر من مية.

ومُعطى عندنا الدايرة اللي في الشكل، وهنلاحظ إن عندنا طول نص القطر عشرين سنتيمتر، والمطلوب في السؤال إننا نوجد محيط الدايرة، وخلينا في الأول نفتكر إن محيط الدايرة بيساوي اتنين في 𝜋 في نق، والرمز نق هو اللي بيعبّر عن نص قطر الدايرة، ومعطى عندنا في السؤال إن 𝜋 بتساوي تلاتة وأربعتاشر من مية، ونص القطر اللي هو نق بيساوي عشرين سنتيمتر.

فلمّا نعوّض هيبقى عندنا محيط الدايرة بيساوي اتنين في … وهنعوض عن 𝜋 بتلاتة وأربعتاشر من مية، وهنعوض عن نص القطر بعشرين، بعد كده هنوجد حاصل ضرب اتنين في تلاتة وأربعتاشر من مية في عشرين، فلما نحسبها هتبقى بتساوي مية خمسة وعشرين وستة من عشرة، وبما إننا بنحسب محيط فهتبقى الوحدة بالسنتيمتر.

فبالتالي هيبقى محيط الدايرة بيساوي مية خمسة وعشرين وستة من عشرة سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.