فيديو: إيجاد قيمة الوسط الحسابي لمجموعة بيانات‎ في تمثيل بالأعمدة البيانية

يُبيِّن الرسم البياني الموضَّح توزيع درجات اختبار أدته سارة. أوجد الوسط الحسابي للدرجات.

٠٢:٠٠

‏نسخة الفيديو النصية

يبيّن الرسم البيانى الموضّح توزيع درجات اختبار أدّته سارة. أوجد الوسط الحسابي للدرجات.

الوسط الحسابي بيساوي مجموع القيم على عدد القيم؛ يبقى عشان نوجد الوسط الحسابي لدرجات سارة، محتاجين أول حاجة نجمعها، بعدين نقسم المجموع على عدد الدرجات.

يبقى الوسط الحسابي هيساوي … أول حاجة مجموع الدرجات؛ يعني هنجمع واحد وأربعين في المية، زائد واحد وخمسين في المية، زائد سبعة وستين في المية، زائد سبعين في المية، زائد واحد وخمسين في المية؛ مقسوم على عدد الدرجات، فهنلاقي إن عدد الدرجات هو خمسة، يبقى هنقسم على خمسة، ده هيساوي … نجمع الأعداد اللي في البسط فيبقى مجموعهم بيساوي ميتين وتمانين في المية، بعدين نقسمها على خمسة، فهنستخدم القسمة المطوّلة؛ ميتين وتمانين على خمسة، فنقسم أول حاجة أول رقم في المقسوم على المقسوم عليه اللي هو خمسة [اتنين]، فيبقى الناتج بيساوي صفر، صفر في خمسة بيساوي صفر، بعد كده هنطرح اتنين ناقص صفر هيساوي اتنين، بعدين ننزّل التمنية، ونقسم تمنية وعشرين على خمسة، فأقرب ناتج ليها هيبقى خمسة، بعدين نضرب خمسة في خمسة هيساوي خمسة وعشرين، بعدين نطرح، فتمنية وعشرين ناقص خمسة وعشرين هيساوي تلاتة، بعدين ننزّل الصفر ونقسم التلاتين على خمسة، فتلاتين على خمسة هيساوي ستة، بعدين نضرب الستة في الخمسة هيساوي تلاتين، بعدين نطرح تلاتين ناقص تلاتين هيساوي صفر.

يبقى ميتين وتمانين في المية على خمسة هيساوي ستة وخمسين في المية، وده الوسط الحسابي لدرجات سارة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.