فيديو: التحويلات الهندسية المُجمَّعة للتمثيل البياني

نحصل على منحنى الدالة د من ﺭ(ﺱ) = ﺱ^٢ باتباع الخطوات الآتية: انتقال ٤ وحدات إلى اليمين، وتمدُّد معامل قياسه ٤/١، وانتقال ٤ وحدات لأعلى. ما الدالة د؟

٠٣:٠٤

‏نسخة الفيديو النصية

نحصل على منحنى الدالة د من ر س يساوي س تربيع، باتباع الخطوات الآتية: انتقال أربع وحدات إلى اليمين، وتمدُّد معامل قياسه ربع، وانتقال أربع وحدات لأعلى. ما الدالة د؟

الـ ص يساوي أ في ك، س زائد ب، زائد ج. ده عبارة عن دالة ك س. حصل لها تمدُّد بمقدار أ. وإزاحة إلى اليمين أو إلى اليسار، بمقدار ب، على حسب إشارة الـ ب. وإلى أعلى أو إلى أسفل، حسب إشارة الـ ج وقيمتها. هنطبّق الكلام ده على الدالة المعطاة، اللي هي ر س.

عشان نوصل لمنحنى الدالة د، هيساوي …الـ أ اللي هو معامل القياس ده، اللي هو بيعمل التمدد. يعني هيبقى هنا فيه ربع. والـ د ر س، هيبقى هنا الـ س يحصل لها انتقال إلى اليمين، أربع وحدات إلى اليمين. يعني معنى كده إن الـ ب قيمتها أكبر من الصفر.

يبقى هنا هيبقى س ناقص الأربعة. يعني هنشيل كل س في الدالة ر س، ونحطّ مكانها س ناقص أربعة. ده كمان زائد الوحدات إلى أعلى أو إلى أسفل، اللي هي قيمة الـ ج. لو انتقلنا إلى أعلى، يبقى قيمة الـ ج موجبة، لو إلى أسفل، يبقى الـ ج سالبة. هنا الوحدات إلى أعلى، يبقى هنزوّد عدد وحدات. يبقى بالموجب أربعة.

يبقى الدالة د س هتساوي ربع … الـ ر س ناقص أربعة، هنعوّض مكان الـ س بـ س ناقص أربعة. فهتبقى س ناقص أربعة الكل تربيع، زائد أربعة. هنبسّطها هيساوي … س ناقص أربعة هتبقى س تربيع ناقص تمنية س زائد ستاشر. مربع الأول، زائد ضعف الأول في التاني، زائد مربع التاني، ده كله مضروب في الربع، زائد أربعة.

يبقى هيساوي … الربع هتتضرب في الـ س تربيع، يبقى ربع س تربيع. ناقص … تمنية س في ربع، يبقى اتنين س. زائد أربعة وزائد أربعة. هيساوي ربع س تربيع ناقص اتنين س زائد تمنية. ويبقى هو ده منحنى الدالة د س، بعد الخطوات اللي اتّبعناها على المنحنى ر س يساوي س تربيع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.