فيديو: استخدام الأعمدة البيانية لإكمال الجدول التكراري

باستخدام المعلومات التي في الشكل، أكمل الجدول بأعداد السكان في كل عام بالآلاف.

٠٢:٣٥

‏نسخة الفيديو النصية

باستخدام المعلومات التي في الشكل، أكمل الجدول بأعداد السكان في كل عام بالآلاف.

الشكل البياني اللي قدامنا عبارة عن تمثيل بالأعمدة لعدد السكان بالآلاف في بعض السنوات المسجلة، والمطلوب مننا نستخدم القيم المعطاة في الشكل دي، إننا نكمّل الجدول اللي قدامنا.

هنشوف في سنة ألف تسعمية وخمسين كان عدد السكان المسجّل بالآلاف كام، هنرسم خط أفقي من قمة العمود اللي بيمثّل عدد السكان سنة ألف تسعمية وخمسين، وهنلاقي إنه بيقطع المحور اللي بيمثّل عدد السكان بالآلاف في النقطة خمسة؛ يبقى سنة ألف وتسعمية وخمسين كان عدد السكان بالآلاف خمسة، أو خمسة آلاف يعني.

في عام ألف وتسعمية وستين عايزين نشوف عدد السكان المسجّل. هنرسم خط أفقي من قمة العمود اللي فوق سنة ألف وتسعمية وستين، نقطع بيه المحور اللي بيمثّل عدد السكان بالآلاف، هنلاقيه بيقطعه في القيمة عشرين؛ يبقى في عام ألف وتسعمية وستين كان عدد السكان المسجّل بالآلاف هو عشرين.

بنفس الطريقة نشوف عدد السكان اللي اتسجّل سنة ألف وتسعمية وسبعين، هنلاقي إن هو خمسة وعشرين ألف؛ فهيبقى هنحطّ في الجدول عدد السكان بالآلاف خمسة وعشرين.

هنشوف سنة ألف وتسعمية وتمانين عدد السكان المسجّل، هنمشي في خط أفقي من قمة العمود، ويقطع المحور اللي بيمثّل عدد السكان بالآلاف، هنلاقيه بيقطعه في القيمة خمسة وخمسين؛ يبقى هنحطّ في الجدول عدد السكان عام ألف تسعمية وتمانين، عدد المسجّل بالآلاف كان خمسة وخمسين.

بنفس الطريقة سنة ألف وتسعمية وتسعين، هنلاقي إن عدد السكان المسجّل بالآلاف كان ستين؛ يبقى هنكمل في الجدول عدد السكان عام ألف وتسعمية وتسعين هو كان ستين.

هنكمل آخر قيمة مسجلة عندنا سنة ألفين، عدد السكان اللي مسجل بالآلاف كان تسعين. وكده يبقى قدرنا نكمّل الجدول بقيم أعداد السكان المسجّلة في السنوات المذكورة بالآلاف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.