فيديو: امتحان الإستاتيكا • ٢٠١٧/٢٠١٦ • السؤال الثالث ب

امتحان الإستاتيكا • ٢٠١٧/٢٠١٦ • السؤال الثالث ب

٠٤:٤٦

‏نسخة الفيديو النصية

تؤثِّر القوى متجه ق واحد يساوي اتنين متجه س ناقص تلاتة متجه ص. ومتجه ق اتنين تساوي خمسة متجه س ناقص اتنين متجه ص. ومتجه ق تلاتة تساوي سالب تلاتة متجه س زائد اتنين متجه ص في النقطة أ سالب تلاتة وخمسة. أوجد متجه عزم محصّلة هذه القوى حول النقطة ب واحد وسبعة. والبُعد بين نقطة ب وخطّ عمل المحصّلة.

عندنا تلات قوى: ق واحد، وَ ق اتنين، وَ ق تلاتة. بيؤثِّروا في النقطة أ: سالب تلاتة، وخمسة. ومطلوب منّنا نوجد متجه عزم المحصّلة حوالين النقطة ب. وتاني مطلوب: عاوزين البُعد بين النقطة ب وخطّ عمل المحصّلة.

محصّلة أي مجموعة من القوى بيساوي حاصل جمعهم. فإحنا عندنا التلات قوى متجهات ق واحد، وَ ق اتنين، وَ ق تلاتة. عاوزين نجمعهم؛ علشان نوجد محصّلتهم. فنقول: المحصّلة متجه ح تساوي … نبدأ نجمع اتنين مع الخمسة مع السالب تلاتة في اتجاه المتجه س. يبقى اتنين زائد خمسة ناقص تلاتة في اتجاه المتجه س. وبعدين نجمع سالب تلاتة وسالب اتنين واتنين في اتجاه المتجه ص. يعني نقول: سالب تلاتة سالب اتنين زائد اتنين. ده كله هيساوي أربعة س متجه ناقص تلاتة ص متجه. ده هو متجه محصّلة التلات قوى اللي عندنا.

نيجي لأول مطلوب. عاوزين متجه عزم محصّلة القوى دي حوالين النقطة ب. يعني عاوزين متجه ج ب، واللي بيساوي متجه ب أ ضرب اتجاهي متجه ح. متجه ب أ هيساوي النهاية ناقص البداية. يعني متجه أ ناقص متجه ب. وإحنا عندنا النقطة أ هي سالب تلاتة وخمسة. فيبقى متجه أ هو سالب تلاتة متجه س زائد خمسة متجه ص. بعدين ناقص … ونفتح قوس … متجه ب اللي هي واحد وسبعة. يعني متجه س زائد سبعة متجه ص. ونقفل القوس. نبدأ نطرح سالب تلاتة ناقص واحد سالب أربعة متجه س. بعدين زائد خمسة ناقص زائد سبعة تساوي سالب اتنين متجه ص. وتبقى دي هي قيمة متجه ب أ؛ سالب أربعة متجه س ناقص اتنين متجه ص.

وإحنا عندنا متجه ح قيمته أربعة متجه س ناقص تلاتة متجه ص. يبقى كده عندنا المتجه ج ب بيساوي سالب أربعة متجه س ناقص اتنين متجه ص مضروبة ضرب اتجاهي في، أربعة متجه س ناقص تلاتة متجه ص. وإحنا عندنا متجهات الوحدة س وَ ص وَ ع متجهات. ناتج ضرب متجه س في متجه ص هو متجه ع. وعندنا ناتج الضرب الاتجاهي لِـ أ متجه س زائد ب متجه ص مضروب ضرب اتجاهي في، ج متجه س زائد د متجه ص، بيكون كالآتي. إحنا قلنا: إن ناتج ضرب متجه س في متجه ص بيدّينا متجه ع. فالناتج كله هيكون في اتجاه المتجه ع.

أول حاجة عندنا بنضرب س في ص. يبقى أ في د. بعدين إشارة سالبة. بعدين نضرب متجه س في متجه ص. يعني ج في ب. يبقى بينتج لنا أ د ناقص ج ب الكل في اتجاه المتجه ع.

ولمَّا نيجي نطبّق القانون ده عندنا، يبقى متجه ج ب بيساوي … أول حاجة نبدأ نضرب متجه س في متجه ص. يعني سالب أربعة في سالب تلاتة، اللي هي اتناشر. بعدين إشارة سالبة. بعدين نضرب متجه س في متجه ص. يعني أربعة في سالب اتنين، اللي هي سالب تمنية. ده كله في اتجاه المتجه ع. فمن هنا يبقى متجه ج ب بيساوي عشرين متجه ع. وده هو أول مطلوب عندنا في السؤال.

نيجي لتاني مطلوب. عاوزين البُعد بين النقطة ب وخطّ عمل المحصّلة. البُعد ده بنرمز له بالرمز ل، واللي بتساوي معيار المتجه ج ب على معيار متجه المحصّلة. معيار المتجه ج ب هو عشرين. ومعيار متجه المحصّلة هو الجذر التربيعي لأربعة تربيع زائد سالب تلاتة الكل تربيع. يعني هتساوي أربعة. وده هو تاني مطلوب عندنا في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.