فيديو: حل المسائل الكلامية التي تتضمَّن قسمة أعداد صحيحة يكون ناتجها في الصورة الكسرية

قناة تليفزيونية جديدة من المقرر أن تعرض ٢٧ برنامجًا تليفزيونيًّا جديدًا هذا الأسبوع. ما الكسر الذي يعبِّر عن البرامج التي مدتها ٣٠ دقيقة، في أبسط صورة؟

٠٢:٥٣

‏نسخة الفيديو النصية

قناة تليفزيونية جديدة من المقرر أن تعرض سبعة وعشرين برنامجًا تليفزيونيًّا جديدًا هذا الأسبوع. ما الكسر الذي يعبّر عن البرامج التي مدتها ثلاثين دقيقة في أبسط صورة؟

وعندنا جدول بيوضح عدد البرامج اللي مدتها تلاتين دقيقة، وهو العدد خمستاشر. وكمان بيوضح عدد البرامج اللي مدتها ستين دقيقة، وهو العدد اتناشر. ومطلوب في السؤال نجيب الكسر اللي بيعبّر عن البرامج اللي مدتها تلاتين دقيقة، ونجيبه في أبسط صورة.

ولأن الكسر عبارة عن بسط ومقام، والبسط اللي بيعبّر عن عدد الأجزاء المحددة، وفي المثال ده الأجزاء المحددة هي البرامج اللي مدتها تلاتين دقيقة، اللي هي خمستاشر؛ فهنكتب في البسط العدد خمستاشر. والكسر بيتكوّن كمان من المقام، اللي بيعبّر عن عدد الأجزاء كلها. وفي المثال ده الأجزاء كلها اللي هي البرامج كلها، عدد البرامج كلها هو سبعة وعشرين برنامج، وهو ده العدد اللي هنكتبه في المقام.

والكسر خمستاشر على سبعة وعشرين علشان يكون في أبسط صورة، فلازم نقسم البسط والمقام على نفس العدد، ويكون العدد ده بيقبل القسمة على خمستاشر، وعلى سبعة وعشرين؛ يعني العامل المشترك اللي بين العددين دول. وعلشان نعرف العامل ده، هنبدأ نحلل كل عدد. هنحلل الخمستاشر. لأنه عدد فردي، فممكن نقسمه على تلاتة. خمستاشر على تلاتة يساوي خمسة. وخمسة على خمسة يساوي واحد. وبكده عوامل العدد خمستاشر هم الأعداد: تلاتة، وخمسة، وخمستاشر، وواحد.

وكمان هنحلل العدد سبعة وعشرين. سبعة وعشرين لأنه فردي، فممكن نقسمه برضو على تلاتة. سبعة وعشرين على تلاتة يساوي تسعة. وتسعة على تلاتة يساوي تلاتة. تلاتة على تلاتة بيساوي واحد. فهتكون عوامل العدد سبعة وعشرين هم الأعداد: تلاتة، وتسعة، وواحد، وسبعة وعشرين. فهتكون عوامل العدد سبعة وعشرين هم الأعداد: تلاتة، وتسعة، وواحد، وسبعة وعشرين.

ولو بصّينا على العامل المشترك الأكبر بين العددين، هنلاقي إن هو العدد تلاتة، وهو ده العدد اللي هنقسم عليه البسط والمقام. وهنبدأ دلوقتي نقسم: خمستاشر على تلاتة بيساوي خمسة؛ لأن خمستاشر تساوي تلاتة في خمسة. وسبعة وعشرين على تلاتة هيساوي تسعة؛ برضو لأن السبعة وعشرين بتساوي حاصل ضرب تلاتة في تسعة.

وبكده هيكون الكسر اللي بيعبر عن البرامج اللي مدتها تلاتين دقيقة في أبسط صورة، هو الكسر خمسة على تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.