تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام قانون الجيب لحساب الطول المجهول في مثلث

سوزان فائق

في الشكل التالي، ﺏﺟ = ٧، ∠ﺃﺏﺟ = ١١٠°‎، ∠ﺏﺃﺟ = ٣٨°‎. أوجد طول ﺃﺟ لأقرب رقمين عشريين.

٠٢:٠٨

‏نسخة الفيديو النصية

في الشكل التالي ب ج يساوي سبعة، وقياس زاوية أ ب ج يساوي مية وعشرة درجة، وقياس زاوية ب أ ج يساوي تمنية وتلاتين درجة، اوجد طول أ ج لأقرب رقمين عشريين.

الـ ب ج عندنا طولها والزاوية اللي قصادها اللي هي الـ أ بتساوي تمنية وتلاتين عندنا قياسها، والزاوية ب عندنا قياسها، ومطلوب الضلع اللي قصادها، يبقى معنى كده نقدر نستخدم قانون الجيب، واللي بيبقى فيه طول الضلع على الزاوية اللي قصاده، تساوي طول الضلع على الزاوية اللي قصاده، تساوي طول الضلع على الزاوية اللي قصاده، بالنسبة لزوايا وأضلاع المثلث. أ ج على جيب الزاوية اللي قصادها، يساوي ب ج على جيب الزاوية اللي قصادها، يساوي أ ب على جيب الزاوية اللي قصادها. مطلوب إيجاد أ ج، ومعلومة قياس الزاوية ب اللي هي مية وعشرة درجة، وطول ب ج سبعة، والزاوية أ تمنية وتلاتين، بالتعويض عن القيم المعلومة لإيجاد الـ أ ج، يبقى أ ج على جا مية وعشرة يساوي سبعة على جا تمنية وتلاتين، بضرب طرفين في وسطين يبقى أ ج في جا تمنية وتلاتين درجة، يساوي سبعة في جا مية وعشرة درجة، بقسمة الطرفين على الـ جا تمنية وتلاتين درجة لإيجاد قيمة أ ج، يبقى جا تمنية وتلاتين هتُختصر مع جا تمنية وتلاتين، أ ج باستخدام الآلة الحاسبة هتساوي تقريبًا عشرة وتمنية وستين من مية.