فيديو: التعرُّف على الأنماط الهندسية وإكمالها

سوزان فائق

يوضح الفيديو الأنماط الهندسية، وكيفية تحديدها، وإكمالها، وأمثلة توضيحية.

٠٦:٢٣

‏نسخة الفيديو النصية

في الفيديو ده هنتكلّم على التعرف على الأنماط الهندسية، وإكمالها. هنعرف إزّاي نحدّد النمط الهندسي. وإزّاي نتوقّعه ونكمّله. الأنماط الهندسية بتساعد على التوقع، وحلّ المسائل. يعني إيه النمط الهندسي؟ النمط الهندسي زيّ الأشكال اللي قدامنا دي. عبارة عن مجموعة من الأشكال الهندسية. ده شكل خُماسي، وده مثلث. وده شكل خُماسي، وبعدين مثلث. وبعدين شكل خُماسي، وبعدين مثلث.

الأنماط الهندسية بتبقى مترتّبة بترتيب معيّن. يعني مثلًا الشكل اللي قدامنا ده، فيه شكل خُماسي، جنبه مثلث تحت هنا. وبعد كده الشكل الخُماسي، وبعدين مثلث لفوق. وبعدين شكل خُماسي، وبعدين مثلث لتحت. يبقى أكيد الشكل اللي جاي بعد كده، هيبقى شكل خُماسي، وبعديه مثلث لفوق. يبقى نقدر نكمّل النمط الهندسي ده.

بيظهر الرسم المجاور، النمط اللي بيستخدمه أحمد لتركيب بلاط المطبخ. حدّد النمط الهندسي، وألوان البلاط اللي هيكمّل بيها الصف التالي.

هنشوف النمط اللي استخدمه أحمد. أول صفّ هو مستخدم بلاطة لونها أبيض، وبعدين بلاطة ملوّنة. بلاطة لونها أبيض، وبعدين بلاط ملوّنة. الصف التاني ملوّنة، وبعدين أبيض. وبعدين ملوّنة، وبعدين أبيض. الصف التالت أبيض، وبعدين ملوّنة. وبعدين أبيض، وبعدين ملوّنة.

يعني معنى كده إنه هو الصف الأول هيعيد نفسه تاني. والصف التاني هيعيد نفسه تاني. يبقى فيه صف هنبدأ باللون الأبيض، وصف هنبدأ فيه باللون الملوّن. أبيض، ملوّن. يبقى اللي هييجي بعد الملوّن، هيبقى دي أبيض. والأبيض بييجي بعده الملوّن. وبعدين الأبيض، وبعدين الملوّن. يبقى هي دي ألوان البلاط، اللي هيكمّل بيها الصف التالي.

هنشوف مثال كمان. سألت معلمة طالباتها عن عدد القطع الخضراء في النمط الآتي إذا تمّ تكملته، حتى يصل عدد المضلعات إلى حداشر مضلعًا.

الأشكال الهندسية اللي قدامنا دي، مترتّبة في نمط. هنعرف إيه هو النمط، علشان نعرف نكمّل عدد المضلعات، عشان يوصلوا لحداشر مضلع. وبعدين نعدّ عدد القطع الخضراء. النمط اللي قدامنا ده، فيه مضلع بشكل خُماسي لونه أصفر، جِه بعده مثلث. وبعد المثلث، جِه شكل رباعي. والمثلث، جِه بعده شكل خُماسي. الشكل الخُماسي، جِه بعده مثلث.

يبقى في كل مرة، الشكل الخُماسي بييجي بعده مثلث. وفي كل مرة، الشكل الرباعي بييجي بعده مثلث. لكن المثلث مرة بييجي بعد شكل رباعي، ومرة بييجي بعده شكل خُماسي. بييجي إمتى بعده الشكل الرباعي؟ لمّا يكون اللي قبله على طول لونه أصفر ده، اللي هو الشكل الخُماسي. وبييجي بعده الشكل الخُماسي، لمّا يكون قبله على طول الشكل الرباعي.

يبقى اللي هييجي بعد المثلث، في النمط اللي قدامنا ده، هيبقى الشكل الخُماسي. لأن كان قبله على طول الشكل الرباعي. واللي هييجي بعد الشكل الخُماسي، هيبقى المثلث. لأن على طول الشكل الخُماسي، دايمًا بييجي بعده المثلث. المثلث هييجي بعده الشكل الرباعي. لأن طالما اللي قبل المثلث شكل خُماسي، يبقى اللي بعده هيبقى الشكل الرباعي.

كده حطّينا تلات أشكال هندسية. وإحنا كان عندنا تمنية. يبقى وصلنا لحداشر مضلع. دي المضلعات اللي زوّدناها، عشان تكمّل النمط. هنعدّ عدد القطع اللي لونها أخضر، اللي هي المثلثات. آدي واحد، اتنين، تلاتة، أربعة، خمسة. يبقى نحتاج خمس قطع خضراء، لتكملة النمط إلى حداشر مضلع.

في الأنماط اللي قدامنا دي، عايزين نشوف إيه الشكل الهندسي التالي في النمط. أول نمط فيه مربع، دايرة، النجمة، وبعدين مربع. يبقى بعده الدايرة، وهيبقى بعد الدايرة النجمة. النمط التاني: دايرة، نجمة، مربع. يبقى دايرة، نجمة، مربع. يبقى اللي بعد الدايرة، هيبقى النجمة. النمط التالت: نجمة، مربع، دايرة. يبقى نجمة، مربع، دايرة. يبقى اللي بعد النجمة على طول، هيبقى المربع.

الأنماط دي: مربع، نجمة، دايرة. يبقى مربع، نجمة، دايرة. يبقى اللي هييجي بعد المربع على طول، هو النجمة. النمط التاني: دايرة، نجمة، مربع. يبقى دايرة، نجمة، وبعديها هييجي المربع. النمط التالت: النجمة، بعدها مربع، بعدين دايرة. يبقى النجمة، بعدها مربع، وبعد المربع هتيجي الدايرة.

إيه الشكل التالي في النمط اللي قدامنا ده؟ مثلث دايرة، مثلث دايرة، مثلث دايرة. يبقى ضروري المثلث، هييجي بعده الدايرة. هو ده الشكل اللي هييجي بعد المثلث في النمط.

إيه الشكل اللي هييجي بعد النجمة في النمط ده؟ هنا النمط عبارة عن مربع، نجمة، شكل رباعي. مربع، نجمة، شكل رباعي. مربع، نجمة، يبقى اللي هييجي الشكل الرباعي. اللي هو بالشكل ده.

اتكلمنا في الفيديو ده عن التعرُّف على الأنماط الهندسية. إزّاي بنحدّد النمط. وإيه مكوناته. وبعد كده إزّاي نكمّل النمط الهندسي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.