فيديو: تحويل الباينت إلى كوارت

أكمل: ١٨٦‎٤ باينت = _ كوارت.

٠٢:٢٩

‏نسخة الفيديو النصية

أكمل: ألف تمنمية أربعة وستين باينت يساوي، نقط، كوارت.

دلوقتي إحنا عايزين نشوف لمّا بنيجي نحوّل من باينت إلى كوارت، إيه العلاقة اللي بتربط بين الوحدتين دول. إحنا عارفين إن الواحد كوارت بيكافئ اتنين باينت. الكوارت هي الوحدة الأكبر. الباينت هي الوحدة الأصغر. لمّا بنيجي نحوّل دايمًا من الوحدة الكبيرة إلى الوحدة اللي أصغر، بنعمل عملية ضرب. في الحالة دي، لمّا نحوّل من كوارت إلى باينت، هنضرب في اتنين. العكس بقى، لو جينا نحوّل من الباينت إلى الكوارت، يعني من الوحدة الصغيّرة للوحدة الأكبر، بنعمل عملية قسمة. يعني هنقسم على اتنين.

هنرجع للسؤال اللي عندنا. إحنا الوحدة اللي عندنا معطاة بالباينت، ومطلوب نوجد ما يكافئها بالكوارت. يبقى محتاجين نقسم ألف وتمنمية أربعة وستين على اتنين. خلّينا نعمل عملية القسمة دي بطريقة القسمة المطوَّلة. هنيجي نقسم واحد على اتنين، مش هينفع نقسم واحد على اتنين؛ عشان الواحد أقلّ من اتنين. فمش هيدِّينا عدد صحيح. يبقى هنقسم دلوقتي تمنتاشر على اتنين. تمنتاشر عَ الاتنين. إيه العدد اللي لو ضربناه في اتنين يعطينا تمنتاشر. هنلاقي إن الناتج تسعة. بعد كده هنضرب تسعة في اتنين، ونحطّ ناتج عملية الضرب، اللي هو تمنتاشر، تحت. وبعدين نطرح. تمنتاشر ناقص تمنتاشر، هيدِّينا صفر.

بعد كده، ننزّل الرقم اللي عليه الدور، اللي هو ستة. نبتدي نقسم. هنقسم دلوقتي الستة على اتنين. نشوف إيه العدد اللي لو ضربناه في اتنين يبقى حاصل الضرب ستة. هنلاقي إن العدد ده هو تلاتة. حاصل ضرب اتنين في تلاتة بيساوي ستة. هنحطّ حاصل الضرب هنا، وبعدين نجري عملية الطرح. ستة ناقص ستة يساوي صفر.

بعد كده ننزّل الرقم اللي عليه الدور، اللي هو أربعة. ونرجع نقسم تاني، أربعة على اتنين. إيه العدد اللي لو ضربناه في اتنين يدِّينا أربعة. هنلاقي إن العدد ده هو اتنين. وبعدين نضرب اتنين في اتنين. ونحطّ حاصل الضرب، اللي هو أربعة، هنا. ونجري عملية الطرح. أربعة ناقص أربعة هيساوي صفر. كده أنهينا عملية القسمة اللي عندنا. وخارج القسمة هو تسعمية اتنين وتلاتين.

يبقى ألف تمنمية أربعة وستين لمّا نقسمها على اتنين، هيبقى الناتج تسعمية اتنين وتلاتين. يبقى ألف تمنمية أربعة وستين باينت بيساوي تسعمية اتنين وتلاتين كوارت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.