فيديو: تحديد المضاعفات المشتركة للأعداد حتى ٩٩٩

أوجد جميع المضاعفات المشتركة للأعداد ١٠، ٩ إلى ٤٥٠.

٠١:٥١

‏نسخة الفيديو النصية

أوجد جميع المضاعفات المشتركة للأعداد: عشرة وتسعة إلى ربعمية وخمسين.

عندنا العدد عشرة عوامله الأولية اتنين وخمسة. أمّا العدد تسعة، فعوامله الأولية تلاتة وتلاتة. ما فيش أيّ عوامل مشتركة بين العددين اللي عندنا. يبقى عشان نقدر نجيب المضاعفات المشتركة اللي بينهم، هنبتدي دايمًا بحاصل ضربهم. وحاصل الضرب ده هنبتدي نضربه في عدد صحيح من الصفر، ونفضل نكمل؛ عشرة في تسعة في صفر، هيساوي صفر.

دايمًا ناخد بالنا الصفر من المضاعفات لأيّ عدد من الأعداد. الصفر أحد مضاعفات الأعداد كلها. المضاعف المشترك اللي بعد كده هيبقى حاصل ضرب عشرة في تسعة في واحد، اللي هو هيبقى تسعين. والمضاعف المشترك اللي بعد كده هيبقى حاصل ضرب عشرة في تسعة في اتنين، فهيبقى مية وتمانين. بنفس الطريقة المضاعف اللي بعده هيبقى حاصل ضرب العددين في بعض، ونغيّر العدد الصحيح. الاتنين هيبقى تلاتة، فهيبقى حاصل الضرب ميتين وسبعين.

مطلوب مننا نفضل نحسب المضاعفات دي، لغاية ما نوصل لربعمية وخمسين. دلوقتي عشرة في تسعة في … العدد الصحيح اللي بعد تلاتة هيبقى أربعة، فهيبقى حاصل الضرب هو تلتمية وستين. لسه ما وصلناش للعامل المشترك اللي بينهم، اللي هو ربعمية وخمسين، فهنكمل. حاصل ضرب عشرة في تسعة في … العدد الصحيح اللي بعد الأربعة هيبقى خمسة. كده وصلنا لحاصل ضرب ربعمية وخمسين. كده يبقى وصلنا للمضاعفات المشتركة للعددين اللي عندنا، وصولًا إلى ربعمية وخمسين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.