تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد قاعدة الدالة بمعلومية تمثيلها البياني

أحمد لطفي

عيِّن الدالة الممثَّلة بالرسم البياني الموضَّح. [أ] ﺹ = −٢^−ﺱ [ب] ﺹ = ٢^−ﺱ [ج] ﺹ = −٢^ﺱ [د] ﺹ = ٢^ﺱ

٠١:٤٩

‏نسخة الفيديو النصية

عيّن الدالة الممثلة بالرسم البياني الموضح.

ومعطى عندنا أربع اختيارات. أول اختيار: ص بتساوي سالب اتنين أُس سالب س. تاني اختيار: ص بتساوي اتنين أُس سالب س. تالت اختيار: ص بتساوي سالب اتنين أُس س. رابع اختيار: ص بتساوي اتنين أُس س.

في البداية هنفتكر التمثيل البياني للدالة ص بتساوي اتنين أُس س، فهيكون بالشكل ده. وهنلاحظ من الدالة ص بتساوي اتنين أُس س؛ عشان نوصل للدالة الممثلة بالرسم البياني اللي باللون الأزرق، أول خطوة هنوجد انعكاس ص بتساوي اتنين أُس س، على محور الصادات. فلو كان عندنا ص بتساوي د س، فبالانعكاس في محور الصادات هتكون ص بتساوي د سالب س. يعني هنعوّض مكان س بسالب س. وبالتالي التمثيل البياني هيكون بالشكل ده. والدالة هتعتبر ص بتساوي اتنين أُس سالب س.

وتاني خطوة هنوجد انعكاس ص بتساوي اتنين أُس سالب س، على محور السينات. فلو مثلًا كان عندنا ص بتساوي د س، فبالانعكاس في محور السينات هتكون ص بتساوي سالب د س. وبالتالي يبقى نقدر نقول الدالة الممثلة بالرسم البياني اللي باللون الأزرق، هتكون عبارة عن ص بتساوي سالب اتنين أُس سالب س. ويبقى الاختيار الصحيح هو الاختيار رقم واحد؛ إن الدالة هتكون ص بتساوي سالب اتنين أُس سالب س.