فيديو: نموذج تدريب امتحان الفيزياء • ٢٠١٩ • السؤال الثاني والأربعون

نموذج تدريب امتحان الفيزياء • ٢٠١٩ • السؤال الثاني والأربعون

٠١:١٦

‏نسخة الفيديو النصية

اشرح سبب توصيل ملف الجلفانومتر بمقاومة عيارية كبيرة على التوالي، عند تحويله إلى أوميتر.

جهاز الأوميتر هو جهاز لقياس المقاومات الأومية. وطريقة عمله إنه بيمرَّر تيار في المقاومة المطلوب قياسها، ويقيس التيار ده عن طريق جلفانومتر. وده معناه إنه في أبسط صورة مكوَّن من بطارية وجلفانومتر. البطارية علشان تمشِّي التيار في المقاومة المطلوب قياسها. والجلفانومتر علشان يقيس التيار.

ولكن بتظهر مشكلة لو وصَّلنا البطارية والجلفانومتر على التوالي من غير أي مقاومات معاهم؛ لأن لو وصلنا مقاومة صغيرة جدًّا بين طرفين الأوميتر، ده هيأدِّي لأن تيار كبير جدًّا يمشي في ملف الجلفانومتر، وده يخلي ملف الجلفانومتر يتلف. وعلشان كده بنوصَّل ملف الجلفانومتر والبطارية على التوالي مع مقاومة عيارية كبيرة. فالمقاومة دي بتزود المقاومة الكلية للأوميتر. وبالتالي بتقلل شدة التيار اللي ماشي في الجلفانومتر. وده يحافظ على ملف الجلفانومتر.

فنقدر كده تقول إن السبب في توصيل ملف الجلفانومتر بمقاومة عيارية كبيرة على التوالي، إن المقاومة بتعمل على زيادة مقاومة دائرة الأوميتر؛ كي لا يمُرّ تيار كبير في ملف الجلفانومتر فلا يتلف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.